Íhugunarefni á páskum

Páskarnir eru hátíð brotthvarfs og umskipta. Það var á páskum sem Gyðingar flúðu Egyptaland og ferðuðust um langan veg til fyrirheitna landsins undan ofsóknum. Það var á páskum sem Kristur hvarf af jörðinni og sté upp til himna.

Á páskum er kannski ekki svo fráleitt að íhuga stöðu flóttafólks, reyna að setja sig í spor þeirra sem neyðast til að yfirgefa heimkynni sín, vini og fjölskyldu ýmist vegna ofsókna eða einfaldlega vegna þess að fólk getur ekki framfleytt sér.

Velta fyrir sér hvernig það er að yfirgefa allt og leggja út í óvissuna, ferðast um langan veg, kannski til lands þar sem maður er ekki einu sinni velkominn, bíða í nagandi óvissu eftir, oft geðþóttakenndum, ákvörðunum yfirvalda.

Þurfa svo að læra á nýtt samfélag, læra nýtt tungumál, og takast um leið á við fordóma þeirra þröngsýnu og heimsku, sanna sig á nýjum stað, sem oftast tekst aldrei alveg.

 

 

 

 

Líta á Serbíu sem leið inn í Evrópu

... varðaður góðum áformum

Bið lesendur að "botna" fyrirsögnina...

Þegar leitað er á netinu eftir upplýsingum um hvort heppilegra sé fyrir umhverfið að nota einnota plastpoka eða fjölnota poka úr bómull eða öðrum efnum, kemur rannsókn bresku umhverfisstofnunarinnar frá 2008 gjarna upp. Þar er niðurstaðan sú að umhverfisáhrif fjölnota poka séu einfaldlega langtum meiri en áhrifin af einnota pokunum. Besta leiðin til að draga úr umhverfisáhrifunum sé að nota venjulega einnota plastpoka, en nota þá oftar og nýta síðan sem ruslapoka að lokum.

Í þingsályktunartillögunni er mikið fjallað um áhrif plastagna í umhverfinu. Hins vegar er ekkert fjallað um umhverfisáhrifin af framleiðslu plastpokanna annars vegar og fjölnota pokanna hins vegar. Samkvæmt bresku rannsókninni liggja hins vegar megináhrifin á umhverfið þar.

Það er eitt meginviðfangsefni nútímans að finna leiðir til að vernda umhverfið gagnvart óbætanlegum skaða sem sumar athafnir okkar mannanna valda því. Ákvarðanir sem ætlað er að verða lóð á vogarskálarnar verður að ígrunda og undirbyggja á grunni bestu fáanlegu upplýsinga.

Bresku rannsóknina sem vísað er til má sjá hér.

 

Vilja banna plastpoka í verslunum

Athygilverð hverfaskipting

Það er athyglivert að sjá ólíka fylgisdreifingu milli hverfa. Meirihluti þeirra sem búa miðsvæðis styður núverandi stjórnendur en í úthverfunum er þessu öfugt farið.

Versta afleiðingin af lélegri stjórn borgarinnar undanfarin ár eru umferðarteppurnar. Þær sóa tíma fólks, auka mengun og skaða hagkerfið. Sumar þessar teppur eru afleiðing aukinnar umferðar. Aðrar eru manngerðar. Dæmi um slíkt eru járnstikurnar sem komið hefur verið fyrir við gatnamót Hringbrautar og Hofsvallagötu sunnanverð svo að í stað þess að umferðin greinist í tvær akreinar þegar að gatnamótunum er komið, og flæði þá hindranalítið ýmist til hægri eða áfram, er þrengt að svo röðin nær oft að Melabúðinni. Lítið dæmi um hindranir sem eru óþarfar (afsökunin er hjólaakrein sem enginn notar enda hættir hún við gatnamótin) og virðast hafa það eina hlutverk að gera fólki erfiðara að komast um bæinn.

Þetta litla dæmi er úr Vesturbænum, en þó er flæði umferðar þar með skásta móti yfirleitt. Þegar komið er út í úthverfin versnar staðan hins vegar til muna. Það brennur á fólki sem þar býr að þurfa að eyða margfalt meiri tíma en vera ætti í að komast til og frá vinnu eða sækja og keyra börn í skóla. Tal um borgarlínu og hjólastíga virkar ekki á þessa kjósendur enda vita þeir að slíkt mun engu breyta. Eða hvernig ætti eitthvað að breytast varðandi umferðarþunga þótt notkun strætisvagna færi úr 4% í 8%? Auðvitað ekki neitt.

Sjálfstæðisflokkurinn hefur nú mest fylgi allra í fimm úthverfum. Og það, þrátt fyrir að enn hafi ekki komið fram nein skýr framtíðarstefna frá flokknum, aðeins ný andlit og tal um aðrar áherslur. Takist flokknum hins vegar að spila út trúverðugri og skýrri stefnu og verja hana gagnrýni meirihlutans verða honum flestir vegir færir. En mun það gerast?

Meirihlutinn heldur velli

Líf guðanna

Það var svo sannarlega ógleymanlegt að hlýða á heimsfrumflutning Sinfóníuhljómsveitar Íslands á Eddu II - Líf guðanna, eftir Jón Leifs í gærkvöldi.

Verkið gerir, líkt og Árni Heimir Ingólfsson nefnir í tónleikaskrá, nær ómannlegar kröfur til flytjenda, en þær kröfur stóðust þeir svo sannarlega í gærkvöldi.

Tónlist Jóns gerir ríkar kröfur til hlustenda ekki síður en til flytjenda, enda er hún ekkert léttmeti. Líkt og Björn Bjarnason nefnir á bloggi sínu átti Jón ekki upp á pallborðið hjá samtíðarmönnum sínum, en hann segir: "Það sannaðist enn á þessu verki að Jón Leifs var langt á undan sinni samtíð. Það er ekki fyrr en nú hálfri öld eftir dauða tónskáldsins og 52 árum eftir að Jón lauk við verkið sem það er flutt í fyrsta sinn, það var samið á árunum 1951 til 1966."

Ég óska Sinfóníuhljómsveitinni, Schola Cantorum, einsöngvurum og stjórnanda innilega til hamingju með þessa frábæru tónleika!

 

Ákaflega mikilvægt mál

Það er eiginlega óskiljanlegt að ekki skuli hafa verið komið á "kynjavakt" fyrir löngu á þinginu. Það er til dæmis miklu mikilvægara en að hafa bullmæla þar.

Ég sé fyrir mér nasistalegar júffertur í Austur-þýskum lögreglubúningum, eina á hvern þingmann, sem fylgja þeim eftir og athuga - hvernig svo sem það er nú gert - hvort það hafi örugglega engin áhrif á ákvarðanir þeirra hvers kyns þeir eru. Og ef í ljós kemur að svo er, sjái téðar júffertur um að viðkomandi þingmaður gufi upp - sporlaust.

Tillaga um kynjavakt endurflutt

Yfirgangssemin ríður ekki við einteyming

Í öllum siðuðum löndum er sjálfsagt að fólk komi með hunda á kaffihús. Nú þegar loks koma fyrirmæli frá ráðherra um að fella skuli niður bann við svo sjálfsögðum hlut hérlendis tekur auðvitað yfirgangssemin og fábjánahátturinn við og embættismennirnir sem eiga að sjá um að framfylgja ákvörðun ráðherra taka til við að banna fólki að rista brauð og laga kaffi í námunda við hunda. Hvað er eiginlega að þessu vesalings fólki?

Urðum fljótt að taka miðann niður

Kann ekki píratinn að gúgla?

Segi nú bara svona ...

„Höfuðborgin heitir Reykjavík“

4% danskra lækna styðja umskurðarfrumvarp

Fullyrðingin "Danskir læknar styðja umskurðarfrumvarp" gefur til kynna að almennur stuðningur sé við þetta frumvarp meðal danskra lækna.

En raunin er sú að tæplega eitt þúsund (ekki yfir eitt þúsund eins og ranglega er haldið fram í fréttinni) af um 24 þúsund dönskum læknum hafa undirritað álitið sem vísað er til.

Rétt fyrirsögn væri því: "Fjögur prósent danskra lækna styðja umskurðarfrumvarp".

Hvet ég ritstjóra til að leiðrétta fyrirsögnina og fréttina, ásamt því að veita blaðamanninum tiltal, enda getur það tæpast verið markmið Morgunblaðsins að flytja rangar fréttir.

Danskir læknar styðja umskurðarfrumvarp

Hvaða, hvaða ...

Hver eru nú eiginlega rökin fyrir því að banna konukindinni að giftast dóttur sinni? Litlar líkur eru á að þær geti barn saman, sem er eina líffræðilega ástæðan fyrir því að banna skyldleikahjónabönd.

Fangelsuð eftir að hún giftist dóttur sinni

Hvað segir Stundin þá?

Nú þurfa "blaðamenn" Stundarinnar heldur betur á sköpunargáfunni að halda til að gera úr þessu samsæri Sjálfstæðismanna.

 

Ástráður ekki vanhæfur