Lengi legið ljóst fyrir

Það hefur legið ljóst fyrir nánast frá upphafi að skaðinn af lokunum og ferðabönnum yrði langtum fleirum að fjörtjóni en pestin hefði nokkru sinni getað orðið.

Flestir hafa hamast við að halda eyrunum lokuðum fyrir þessari staðreynd og ráðist hefur verið af offorsi gegn þeim sem bent hafa á hana. En það er því miður bara hægt í takmarkaðan tíma. Á endanum kemur nefnilega sannleikurinn alltaf í ljós.

Faraldurinn á við fjórfalda efnahagskrísu

Sjálfstæðisflokkurinn hafnar einstaklingsfrelsinu

Sigríður Andersen er eini þingmaður Sjálfstæðisflokksins sem staðið hefur vörð um grundvallarréttindi fólks undanfarið ár. Þessi niðurstaða sýnir að flokksmenn meta frelsið einskis. Það er umhugsunarefni fyrir allt frelsissinnað fólk sem stutt hefur þennan flokk.

Vonbrigði ef þetta verður niðurstaðan

Költ?

Ég er að lesa mjög áhugaverða bók eftir breska blaðamanninn Laura Dodsworth. Bókin kallast "State of Fear" og fjallar fyrst og fremst um óttafaraldurinn vegna kórónaveirunnar og áhrif hans á Bretlandi.

Dodsworth leitar svara við því hvað olli þessum óttafaraldri. Það er flestum orðið ljóst að ekki er um raunverulega drepsótt að ræða, þá væru langtum fleiri látnir. Samsæriskenningar kalla á svo víðtækt samsæri að þær er hægt að útiloka.

Hvað veldur þá þessum trylltu viðbrögðum og öllu sem þeim fylgir?

Ein áhugaverðasta tilgáta höfundar er að líkja megi þessu við það sem gjarna gerist innan ofsatrúarsöfnuða (og þá erum við ekki að tala um Fíladelfíu, heldur Waco). Þegar maður veltir því fyrir sér er ótrúlega margt svipað.

• Fókusinn þrengist og hverfist aðeins um eitt, hvort sem það er leiðtoginn, guðinn eða andstæðan (ógnin).
• Engar efasemdir eru leyfðar. Þeir sem hafa þær uppi eru af hinu illa.
• Skilyrðislaus hlýðni er forsenda þess að hindra hræðilega hluti.
• Þegar aðferðirnar til að bjarga heiminum virka ekki er það vegna þess að safnaðarmeðlimir svíkjast um.
• Ef dómsdagsspárnar rætast ekki er það vegna þess að safnaðarmeðlimirnir svíkjast ekki um.
• Leiðtogarnir skipta sífellt milli þess að hræða fólk ("við munum öll deyja") og veita því von ("þetta er alveg að verða búið!").
• Allur fyrirsjáanleiki hverfur.
• Allir verða að taka þátt í trúarathöfnunum (Dæmi: "Clap for carers" á Bretlandi, þar sem öllum var nánast skylt að fara út í glugga eða út á tröppur á tilteknum tíma til að hylla heilbrigðisstarfsfólk).
• Þeir sem ekki taka þátt eða fylgja ekki reglunum (sem eru oft órökrænar) eru útilokaðir.
• Börnum og ungmennum er fórnað án minnsta samviskubits.
• Eðlilegt siðferði hverfur.
• Öllum neikvæðum afleiðingum athafna safnaðarins er hafnað.

Bók Dodsworth má kaupa hér: State of Fear

Þrjú smit innanlands – tvö utan sóttkvíar

Varúð?

Í Bandaríkjunum hafa komið upp 30 blóðtappatilfelli vegna þessa bóluefnis á hverja milljón. Um fjórðungur þeirra sem fá þenna blóðtappa deyr. Það eru þá 7-8.

Ungar konur munu vera í mestri hættu. Meðal þeirra (20-30 ára) eru dánarlíkur covid tvær af hverri milljón.

Líkurnar á að deyja af bóluefninu eru því fjórfaldar líkurnar á að deyja úr pestinni.

Hvernig væri nú að sóttvarnalæknir leitaðist við að sýna varúð í túlkun sinni á þessum tölum?

Túlkar tölur dagsins með varúð

Grænt = Árangur í fremstu röð = Mest á hausnum

Ekki verður af öfugmælunum skafið. Nú er sumsé komið "litakóðunarkerfi" í efnahagsmálum landa þar sem þau ríki sem hafa komið sér lengst út á kaldan klaka efnahagslega fá græna merkingu.

Á Íslandi vill svo til að stjórnvöld hafa með aðgerðum sínum valdið hinu opinbera tjóni sem nemur 1200 milljörðum á árunum 2020-2023, og eflaust meiru þegar niðurstöður um umsvif í ferðaþjónustu á þessu ári liggja fyrir.

Þetta nemur heils árs tekjum hins opinbera.

Það nemur kostnaði við 21 nýjan Landspítala.

Það að tapa heils árs tekjum á fjórum árum merkir stórskaddað heilbrigðiskerfi, svo eitthvað sé nefnt.

Stórskaddað heilbrigðiskerfi merkir dauðsföll. Miklu fleiri en hefðu nokkurn tíma getað dáið úr kóvít.

Árangur í fremstu röð!

Ísland meðal grænna ríkja eftir leiðréttingu AGS

Stefna Sjálfstæðisflokksins að mismuna fólki?

Athyglivert ef það er nú orðin stefna Sjálfstæðisflokksins að mismuna fólki eftir því hvort það hefur verið bólusett eða ekki. Þessi manneskja virðist ekki skilja að um leið og tekið er að úthluta einstaklingsfrelsinu eins og um einhver sérréttindi sé að ræða þá er um leið verið að afnema það.

Það kæmi hins vegar ekki á óvart að margir í þeim hópi sem hér er lagt til að njóti þeirra sérréttinda að geta farið í sund séu svo uppteknir af sjálfum sér að þeim finnist sjálfsagt að fá slík sérréttindi. Og þetta er einmitt leiðin sem gjarna hefur verið farin til að afnema almenn réttindi, breyta þeim í sérréttindi og treysta á að sérhyggjan ljúki verkinu. Slíkt er auðvitað ákaflega traust leið til að afnema frelsi og mannréttindi.

Ég vil fá svör við því hvort það er stefna Sjálfstæðisflokksins að einstaklingsfrelsið sé ekki frelsi allra heldur aðeins frelsi sumra. Er það stefna flokksins að mannréttindi séu ekki almenn, heldur eitthvað sem stjórnvöld úthluti að eigin geðþótta?

Hvetur til opnunar sundlauga

Fjölhæfur starfsmaður Amgen

Millistjórnandinn hjá lyfjafyrirtækinu Amgen, sem ríkisstjórnin hefur dubbað upp í sérfræðing í veiru- og faraldursfræði, er nú greinilega orðinn lögfræðingur líka. Hvað næst?

Bólusetningarnar, sem eitt sinn áttu að leysa málið, eru nú ekki lengur nein lausn og nauðsynlegt að fangelsa alla sem fengið hafa þær. Hér endurómar spekingurinn hinn snillinginn og djöflafræði hans.

Og "sóttvarnahótelið" vitanlega óstarfhæft eftir að snillingurinn í heilbrigðisráðuneytinu hefur ælt út úr sér enn einni reglugerðinni.

Hvernig væri nú að breyta þessu ágæta hóteli í vitlausraspítala og vista þar um langa framtíð millistjórnandann, sóttólf sjálfan og snillinginn í heilbrigðisráðuneytinu líka?

Líkir Brynjari Níels við Trump

Já, akkúrat, og þetta er bara sett fram eins og sjálfsagt mál!

Það eru í rauninni nákvæmlega engar líkur á því að 25 ára gamall maður deyi úr kóvít. En fáránlegur ótti einhvers vesalings verður vitanlega að uppsláttarfrétt á vef Morgunblaðsins, svona rétt eins og það sé bara sjálfsagt og eðlilegt að mannauminginn sé að farast úr hræðslu yfir að drepast úr pest sem er nánast tölfræðilega útilokað að hann geti dáið úr.

„Ég vil ekki deyja úr Covid!“

Enn bætt í æsifréttirnar

Einu sinni voru gefin út morgunblöð og síðdegisblöð. Síðdegisblöðin voru seld á götuhornum og salan byggði á að hafa nægilega krassandi fréttir á forsíðunni. Þessar fréttir voru oft lygafréttir, eða í það minnsta umtalsverð hagræðing á sannleikanum. Morgunblöðin voru seld í áskrift og grundvölluðu ekki starfsemi sína á æsifréttum. Þessum blöðum mátti treysta.

En nú eru breyttir tímar. Morgunblöðin eru horfin. Nú eru öll blöðin síðdegisblöð og viðskiptalíkanið snýst um æsifréttir sem drífa áfram smelli á vefnum og smellirnir drífa auglýsingatekjurnar.

Myndin hér að neðan sýnir þróun dauðsfalla í Brasilíu í mars. Hún er tekin beint úr gagnasafni brasilískra sóttvarnaryfirvalda. Myndin sýnir að faraldurinn er í rénun í Brasilíu, ekki að hann sé í vexti eins og staðhæft er í þessari síðdegisblaðafrétt.

Hér er hlekkur á heimildina: https://transparencia.registrocivil.org.br/especial-covid

Aldrei jafn margir látið lífið í einum mánuði

Gylfaginning

Gylfi Zoega hagfræðiprófessor kom í Kastljós RÚV þriðjudaginn 30. mars til að ræða hagræn áhrif aðgerða gegn kórónaveirunni. Virtist Gylfa ekki þykja hrun ferðaþjónustunnar skipta mjög miklu máli, enda stæði sú grein aðeins fyrir um 10% landsframleiðslunnar. Því væri í lagi að fórna því sem hann nefndi „10% hagkerfið“ fyrir „90% hagkerfið“. Virtist Gylfi telja að með þessu væri hann að líta til heildarhagsmuna landsins.

Nú horfum við fram á tæplega 1200 milljarða tjón hins opinbera á árunum 2020-2023, sem nemur tekjum þess í heilt ár, meira en 20 nýjum Landspítölum, og leiðir beint af aðgerðum til að hægja á útbreiðslu pestarinnar. Afleiðingarnar verða verulega skert geta hins opinbera til að standa undir grunnþjónustu, hundruð dauðsfalla sökum þess heilsutjóns sem af atvinnuleysi leiðir, stórtjón á framtíðarmöguleikum yngstu kynslóðarinnar, alvarlegasta geðheilbrigðisvá á síðari tímum, og svo mætti lengi telja. Þessu hefði mátt afstýra með hnitmiðuðum og yfirveguðum viðbrögðum í takt við hina raunverulegu hættu. Kostnaðurinn hefði orðið örlítið brot af þessari upphæð. Og nú stefnir jafnframt í að búið verði að bólusetja þá sem þörf er á að bólusetja innan mánaðar. En jafnvel þá má ekki hætta að auka við tjónið að mati prófessorsins.

Í þessu ljósi er auðvitað fráleitt að málflutningur Gylfa grundvallist á einhverju mati á heildarhagsmunum.

En aftur að prósentuhagkerfum prófessorsins. Sé brotthvarf 10% landsframleiðslunnar jafn léttvægt og Gylfi heldur fram, myndi þá breyta svo miklu þótt hlutfallið væri aðeins hærra? Væru 15% okkur að skaðlausu? Væri það okkur þá til svo mikils tjóns þótt hinar stóru útflutningsgreinarnar yrðu einfaldlega lagðar af líka? Sjávarútvegurinn stendur ekki fyrir nema 5% landsframleiðslunnar. Og hlutur stóriðjunnar er kannski um 2%. Ferðaþjónustan var um 8% áður en hún var lögð niður. Þá eru samt um 85% hagkerfisins eftir, sé þessari byltingarkenndu aðferðafræði fylgt, og við værum bara í nokkuð góðum málum, eða hvað?

Meginhluti þjóðarinnar myndi að vísu missa vinnuna, en til hvers eru atvinnuleysisbætur? Og eftir stæði auðvitað hið opinbera: Það má lengi lifa á að kenna fólki þau merku fræði að hagkerfi sé ekki kerfi, heldur samsafn ótengdra þátta sem allir eru jafngildir og hafa engin áhrif hver á annan.

Þessa kenningu mætti kalla Gylfaginningu, höfundinum til heiðurs. 

Að vísu bærist fremur lítill gjaldeyrir til landsins, en hvað um það? Innflutninginn mætti einfaldlega leggja af líka. Þannig náum við jafnframt að tryggja landamærin endanlega, svo hingað berist alveg örugglega aldrei nein kórónaveirusmit. Því það er auðvitað það eina í öllum heiminum sem skiptir máli.

(Birt á visir.is 31. mars)

Katrín ósammála Þórdísi