Varúð?

Í Bandaríkjunum hafa komið upp 30 blóðtappatilfelli vegna þessa bóluefnis á hverja milljón. Um fjórðungur þeirra sem fá þenna blóðtappa deyr. Það eru þá 7-8.

Ungar konur munu vera í mestri hættu. Meðal þeirra (20-30 ára) eru dánarlíkur covid tvær af hverri milljón.

Líkurnar á að deyja af bóluefninu eru því fjórfaldar líkurnar á að deyja úr pestinni.

Hvernig væri nú að sóttvarnalæknir leitaðist við að sýna varúð í túlkun sinni á þessum tölum?

Túlkar tölur dagsins með varúð

Athugasemdir

[Daníel Sigurðsson, 14.4.2021 kl. 17:29]

Haft eftir Þórólfi sóttvarnarlækni á Vísi.is í dag undir eftirfarandi yfirskrift:

Sér ekki fyrir sér að Íslendingar fari dönsku leiðina

“Og nú erum við búin að bólusetja 70 ára og eldri með AstraZeneca og þá förum við núna niður í 65 ára og þessar aukaverkanir hafa ekki sést í þessum hópi. Þannig að ég held við ættum að vera nokkuð örugg.“

Þórólfur lætur sem sé eins og hann viti ekki af dauðsfalli  72 ára konunnar sem fyrir stuttu fékk blóðtappa í kjölfar bólusetningar með Astra Zeneca.

Aðeins er búið að bólusetja hér á landi um 22 þúsund mans með Astra Zeneca og þegar a.m.k. eitt dauðsfall orðið sem þýðir að dánartíðnin er enn hærri hér en t.d. í Noregi þar sem hún var fyrir nokkru um ein af hverjum 25 þúsund.

Var einhver að tala um eitt alvarlegt tilfelli af einni milljón?

Hér eru a.m.k 3 alvarleg tilfell (að meðtaldu ofannefndu dauðsfalli) á hverja 22 þúsund bólusettra eða u.þ.b. 1 á móti 7 þúsund !!!