Litakóðakerfi með einum lit

"Aðspurður seg­ir Þórólf­ur að staðan geti orðið betri en hún er í dag, þegar smit hætta að grein­ast í eins mikl­um mæli og nú í sam­fé­lag­inu."

Skilningur þessa snillings á hugtakinu "í miklum mæli" er bersýnilega svolítið sérstakur. Það greinast örfá smit á dag og allt er á rauðu. Hvernig verður það á litinn ef það greinast 50 smit á dag? Jú, líka rautt. Og ef þau eru fimm? Jú, líka rautt.

Það væri gaman að vita hversu margir ráðgjafartímar hafa farið í að búa til þetta stórskemmtilega eins-litar litakóðakerfi. Hvað ætli það hafi kostað? En skemmtilegast held ég að hefði verið að vera fluga á vegg á fundum starfshópsins sem eflaust lagði marga mannmánuði í að útfæra ...

... litakóðakerfi, með einum lit!

Vá!

„Þess vegna erum við á rauðu“

Slúðrandi þríeyki

Hinn dapurlegi embættismannahópur sem falin hafa verið meira og minna öll völd í landinu gengur sífellt lengra. Nú bætast persónuárásir á hendur nafngreindu fólki við lygavaðalinn og hrokann.

Ætlar að sækja ríkislögreglustjóra til saka

Er skynsemin að ná yfirhöndinni?

Það var kannski kominn tími til að hið augljósa fengi athygli: Þegar veiran hefur dreift sér um öll byggð ból er vitanlega alveg tilgangslaust að viðhafa hindranir á ferðum fólks. Fólk smitar nefnilega síður þegar það er á ferðalagi en þegar það er heima hjá sér, og smitast síður sjálft líka.

Mæla gegn skimun á landamærum

Hjarðónæmi er óþarft eftir að bólusetningar koma til sögunnar

Ef ekki kæmi til bóluefni myndi hjarðónæmi skipta máli því það væri þá eina leiðin til að verja til langframa þá sem eru í hættu.

En um leið og allir þeir sem eru, eða telja sig vera í hættu geta fengið bólusetningu, stendur einungis eftir sá hópur sem veiran er í raun hættulaus. Börn og unglingar munu ekki verða bólusett. Hvers vegna? Jú, vegna þess að fyrir þennan hóp er áhættan af bólusetningunni meiri en áhættan af veirunni. Fyrir fólk undir þrítugu má í raun segja hið sama. Hættan eykst smátt og smátt upp undir fimmtugt, en langstærsti hluti þeirra sem veikjast illa eða deyja undir fimmtugu er fólk með undirliggjandi sjúkdóma. Bólusetningin mun ná til þessa fólks.

Þegar búið er að verja þá sem verja þarf er því engin þörf fyrir að ná hjarðónæmi.

Bólusetning gegn veirunni ekki skylda

Ekki vel valin dæmi

Samsæriskenningar um Covid snúast um aðra hluti en hvort grímunotkun geri gagn og hvort einkennalausir smiti aðra.

Hvað grímunotkunina varðar þá eru einfaldlega ekki til neinar rannsóknir sem sýna að grímuskylda fækki smitum. Punktur. En vitanlega er til fullt af rannsóknum sem sýna gildi þess að grímur séu notaðar, t.d. á skurðstofum. En það er einfaldlega bara allt annar handleggur.

Og varðandi smit einkennalausra er það atriði sem enn er til rannsóknar. Nýleg rannsókn í Wuhan bendir til að slíkt smit sé afar fátítt.

Ég hef ekki hugmynd um hvaða menntun þessi Auður Ingólfsdóttir hefur, en mér segir svo hugur að hún sé ekki sérfræðingur í sóttvörnum eða í læknisfræði. Hver sem er getur fundið hvað sem er á netinu til að styðja við skoðanir sínar, en ef menntunina á viðkomandi sviði skortir, og maður hefur engan með slíka menntun til að leiðbeina sér, þá verða niðurstöðurnar gjarna frekar marklausar. Sér í lagi ef maður hefur ekki þjálfun í gagnrýninni hugsun.

Það sýnist mér því miður eiga við í þessu tilfelli.

Segir samsæriskenningar ekki mega grassera

... og á morgun? Áfangatap?

Það eru litlu sigrarnir sem skipta máli.

Sælir eru einfaldir því þeir verða að sóttvarnalæknum gjörðir.

„Þetta er áfangasigur“

Þegar heildarmyndin hverfur

Þessi grein er skýrt dæmi um það sem gerist þegar heildarmyndin hverfur og allur fókusinn fer á eitthvað eitt, sem skiptir auk þess engu sérstöku máli.

Hér er engar upplýsingar að finna um að samdráttur á þriðja fjórðungi ársins á Íslandi er meira en tvöfaldur samdrátturinn í Evrópu.

Engar upplýsingar um að tugþúsundir fólks hafa misst vinnuna vegna misráðinna aðgerða stjórnvalda.

Engar upplýsingar um þá stórfelldu truflun sem heimskulegar reglur hafa valdið á námi barna og ungmenna.

Engar upplýsingar um stórfellda aukningu sjálfsvíga.

Og þannig má lengi telja.

Því það er ekkert sem skiptir máli nema fjöldi smita. Allt annað er aukaatriði.

Aðgerðir Íslands mærðar í Nature

Áhugaverð spurning

Það hvort rétt sé að skylda fólk til að láta bólusetja sig er áhugaverð spurning. Um hana verður meðal annars fjallað á fjarfundi með siðfræðingunum Dr. Vilhjálmi Árnasyni prófessor og Dr. Alberto Giubilini sérfræðingi við Oxfordháskóla í næstu viku, á vegum hópsins "Út úr kófinu".

„Ekki hægt að skylda fólk til að taka bóluefni“

Heilbrigð sál í hraustum líkama - hver eru áhrif sóttvarnaraðgerða á íþróttastarf?

Miðvikudaginn 2. desember kl. 12 á hádegi stendur hópurinn „Út úr kófinu“ fyrir fundi um þær áskoranir sem íþróttastarf í landinu stendur nú frammi fyrir vegna takmarkana sem settar hafa verið á íþróttastarf. Fjallað verður um þær afleiðingar sem þessi staða hefur, bæði fyrir líkamlega og andlega heilsu barna og unglinga og fyrir afreksíþróttir.

Fundinum stýrir Bjarni Th. Bjarnason, formaður Skíðasambands Íslands. Hann ræðir við Guðna Bergsson, formann KSÍ, Sólveigu Jónsdóttur, framkvæmdastjóra Fimleikasambands Íslands, og Dr. Jón Ívar Einarsson, lækni og prófessor við Harvard Medical School.

Fundinum verður streymt á Facebook

Við hvetjum allt áhugafólk um íþróttastarf og lýðheilsu til að fylgjast með þessari umræðu.

“Út úr kófinu” er hópur fólks úr ýmsum geirum samfélagsins sem vill leggja sitt af mörkum til að bæta upplýsingagjöf um kórónuveirufaraldurinn, afleiðingar og aðgerðir ásamt því að færa skoðanaskipti upp á yfirborðið og móta tillögur að leiðum út úr þessu ástandi. Nánari upplýsingar á kofid.is

Er mér sama um Víði Reynisson?

Ég fékk flensu fyrir nokkrum árum. Var verulega slappur. Svo lagaðist það.

Ég var ekki áttræður þá. Og er það reyndar ekki enn. Ef ég hefði verið áttræður væri ég kannski ekki til frásagnar.

Svona er lífið.

En ég er heppinn að vera ekki einn af þeim tugþúsundum sem hafa misst vinnuna vegna aðgerða til að koma í veg fyrir að fólk eins og ég fái flensu. Heppinn að vera ekki að byrja í framhaldsskóla og hírast heima í einangrun og þunglyndi, sem enginn veit hvernig endar. Allt vegna aðgerða Víðis Reynissonar og félaga hans.

Það eina sem ég er ekki heppinn með er að búa í samfélagi þar sem gegndarlaus sérhyggja og röklaus óttafaraldur, drifinn áfram af þessum ágæta Víði Reynissyni og félögum hans, gerir að verkum að megnið af samborgurum mínum lætur sér í léttu rúmi liggja þau örlög sem bíða yngstu kynslóðarinnar og þeirra sem standa höllustum fæti.

Er mér sama um Víði Reynisson? Góð spurning.

Víðir tjáir sig um veikindin: Fimm aðrir smitaðir