Litakóðakerfi með einum lit

"Aðspurður seg­ir Þórólf­ur að staðan geti orðið betri en hún er í dag, þegar smit hætta að grein­ast í eins mikl­um mæli og nú í sam­fé­lag­inu."

Skilningur þessa snillings á hugtakinu "í miklum mæli" er bersýnilega svolítið sérstakur. Það greinast örfá smit á dag og allt er á rauðu. Hvernig verður það á litinn ef það greinast 50 smit á dag? Jú, líka rautt. Og ef þau eru fimm? Jú, líka rautt.

Það væri gaman að vita hversu margir ráðgjafartímar hafa farið í að búa til þetta stórskemmtilega eins-litar litakóðakerfi. Hvað ætli það hafi kostað? En skemmtilegast held ég að hefði verið að vera fluga á vegg á fundum starfshópsins sem eflaust lagði marga mannmánuði í að útfæra ...

... litakóðakerfi, með einum lit!

Vá!

„Þess vegna erum við á rauðu“

Athugasemdir

[Ragnhildur Kolka, 10.12.2020 kl. 01:47]

Látt'ekki svona Þorsteinn. Það þurfti heilan Kastljóss þátt til að útskýra snilldina.

[Þorsteinn Siglaugsson, 10.12.2020 kl. 19:12]

Efast um að það hafi dugað til Ragnhildur. Það þarf marga, marga þætti þangað til þau gefast upp á að reyna að útskýra þetta.