20.7.2018 | 15:57
Flautaþyrill
Það er vitanlega hárrétt hjá Steingrími að með framgöngu sinni hefur þetta fólk sýnt danska þinginu óvirðingu. Það er pínlegt að sjá það reyna að halda því fram, að með því að vekja athygli á þessu, sé Steingrímur að segja ósatt. Það er algerlega út úr korti. Það var meiri mannsbragur að því að sitja fundinn en koma á framfæri kurteislegri gagnrýni á pólitík danska þingforsetans úr ræðustól eins og Logi Einarsson og forsætisráðherra gerðu. Það er enginn mannsbragur að því að sýna fólki ókurteisi þótt maður sé ekki sammála því, né heldur að saka þá um lygar sem benda á hið augljósa.
Maður veltir því svo vitanlega alvarlega fyrir sér hvað þessi Helga Vala Helgadóttir er eiginlega að gera í stjórnmálum. Það eina sem virðist komast að hjá henni er að vekja athygli á sjálfri sér.
Ætti hún ekki miklu frekar að gerast svona Youtube stjarna og setja á samfélagsmiðla myndbönd af sjálfri sér að elda, þrífa eða klæða sig eða hvað svo sem það er sem fólk hefur gaman af að eyða tíma sínum í að horfa á sjálfhverfa einstaklinga gera á samfélagsmiðlum?
Ósátt við yfirlýsingu Steingríms | |
Tilkynna um óviðeigandi tengingu við frétt |
20.7.2018 | 00:41
Jamm.
"þjónustan verri en í öðrum velmegunarþjóðum..."
"Tilefni lögsóknarinnar var fyrirhuguð innleiðingu ..."
"Ekkert ríki heims ver jafnmiklum peningi ..."
"... koma þeim lyfjum að sjúklingunum, sem þeir þurfa"
Vonandi ekki mikill kostnaður við blaðamann sem skrifar svona texta, en er annars búið að reka prófarkalesarann?
Íslendingar forðist að elta Breta | |
Tilkynna um óviðeigandi tengingu við frétt |
14.7.2018 | 00:38
Sjaldan veldur einn þá tveir deila
Deilur eru yfirleitt ekki bara öðrum deiluaðilanum að kenna þótt einhvert lið í stjórnarandstöðunni reyni nú að halda því fram og nýta sér þessa erfiðu kjaradeilu í eiginhagsmunaskyni.
En raunar er það nú líklega svo með þessa ágætu deilu, að henni veldur hvorugur deiluaðilinn, heldur þriðji aðili, það er að segja verkalýðsrekendurnir vellaunuðu sem ætla svo sannarlega ekki að láta ljósmæður ná að nýju þeim kjörum, samanborið við aðra, sem þær höfðu til skamms tíma. Hér má til dæmis sjá glögga vísbendingu um það, beint úr munni fyrrum þingmanns Samfylkingarinnar.
Vaknið ríkisstjórn! | |
Tilkynna um óviðeigandi tengingu við frétt |
11.7.2018 | 09:12
Framtíðarbærni ferðamáta
Mig langar að vekja athygli á frábærri grein Viðars Freys Guðmundssonar sem birtist á Kjarnanum í gær. Þar fjallar hann um áróðurinn fyrir hinni svokölluðu borgarlínu og flettir ofan af öllum þeim rangfærslum sem haldið er fram af forvígismönnum þessa verkefnis.
Meðal annars segir Viðar:
"Í vestrænum samfélögum er bíll mikil lífskjarabót sem sparar einstaklingum dýrmætan tíma. Sparnaði á tíma fólks væri eins hægt að reikna til mengunar því rannsóknir sýna að með lengri ferðatíma: verður heilsa fólks verri/fólk þarf meiri heilbrigðisþjónustu, borðar meira ruslfæði, er með hærri BMI stuðul, hærri blóðþrýsting, upplifir skerta lífsánægju, stendur sig verr í námi, lendir í fleiri illdeilum við annað fólk, er líklegra til að geta illa sinnt fjölskyldu sinni.. svona mætti lengi telja."
Framtíðarbærni ferðamáta þarfnast stöðugrar endurskoðunar
10.7.2018 | 20:49
Sauður í sauðargæru
Nú þegar vitnin hafa viðurkennt að þau eru afar nærsýn, eiginlega hálfblind, verður vart önnur ályktun dregin en þarna hafi ekki verið hvítabjörn á ferð, hvorki í sauðargæru né eigin skinni, heldur bara venjulegur sauður í hversdagslegri sauðargæru.
Og ferðamennirnir taugatrekktu líklega jafn miklir sauðir sjálfir og sauðurinn frændi þeirra.
Mynstur í komu hvítabjarna | |
Tilkynna um óviðeigandi tengingu við frétt |
4.7.2018 | 15:35
Mikilvægt að læra norðurlandamál
Ísland er eitt Norðurlandanna og saga okkar og menning er samofin þessum grannþjóðum okkar. Það er algengt að fólk fari héðan til náms og til starfa á hinum Norðurlöndunum. Ég er ekki viss um að þeir sem setja sig upp á móti kennslu í dönsku eða öðrum norðurlandamálum átti sig fyllilega á því hve mikilvæg grunnþekking á einhverju þessara tungumála er í raun og veru.
Skiptar skoðanir á afnámi dönskukennslu | |
Tilkynna um óviðeigandi tengingu við frétt |
3.7.2018 | 22:22
Bilið hefur minnkað
Þegar horft er á þessi gröf, er þá ekki alveg ljóst að launabilið milli ljósmæðra og samanburðarstéttanna hefur minnkað? Bæði línuritin virðast sýna að launabilið, sem í nokkur ár hefur verið talsvert, er nú allt að því horfið. "Leiðréttingin" sem gerð var 2008 hefur því að miklu leyti gengið til baka samkvæmt þessum tölum.
Ég á því erfitt með að sjá hvernig þessi gögn eiga að styrkja málstað ríkisins. Mér finnst þau fremur veikja hann.
Svo hefði ég nú sleppt því alveg að fara út í vangaveltur um þróun á fjölda fæðinga og fjölda ljósmæðra. Slíkar vangaveltur koma kjaradeilunni í rauninni ekki við og eru aðeins til þess fallnar að skapa gremju.
Hitt er svo annað mál hvað gerist ef gengið verður að kröfum um að auka á ný þetta launabil. Verður það til þess að aðrir hópar æði fram og heimti líka "leiðréttingu" og allt fari þar með í bál og brand á vinnumarkaði? Þetta er án vafa það sem ríkisvaldið óttast. Eina leiðin til að hindra það samhliða hækkun hjá ljósmæðrum er að aðrir hópar samþykki launahækkunina og lofi að leyfa henni að ganga í gegn án frekari viðbragða. Boltinn liggur því í rauninni ekki hjá ríkinu heldur liggur hann hjá launþegahreyfingunni í heild.
Segja hækkanir ljósmæðra meiri en annarra | |
Tilkynna um óviðeigandi tengingu við frétt |
Um bloggið
Hitt og þetta
Bloggvinir
- agny
- graenar-lausnir
- bjarnijonsson
- bjornalexandermikli
- gattin
- dofri
- contact
- fhg
- gretaulfs
- gudni-is
- mosi
- bofs
- muggi69
- gudrunmagnea
- zeriaph
- holi
- haukurn
- diva73
- hlynurh
- ingibs
- ingolfursigurdsson
- fun
- jennystefania
- johnnybravo
- eyfeld
- jonbergsteinsson
- jonvalurjensson
- thjodarskutan
- krist
- kristjan9
- loncexter
- ludvikjuliusson
- sleggjudomarinn
- magnuss
- svarthamar
- vestskafttenor
- otti
- runaro
- joklamus
- sigurjons
- stefanjul
- summi
- saemi7
- samy
- torfusamtokin
- vestfirdir
- thorsteinn
- valli57
Heimsóknir
Flettingar
- Í dag (26.4.): 4
- Sl. sólarhring: 6
- Sl. viku: 52
- Frá upphafi: 287304
Annað
- Innlit í dag: 4
- Innlit sl. viku: 51
- Gestir í dag: 4
- IP-tölur í dag: 4
Uppfært á 3 mín. fresti.
Skýringar