Bilið hefur minnkað

Þegar horft er á þessi gröf, er þá ekki alveg ljóst að launabilið milli ljósmæðra og samanburðarstéttanna hefur minnkað? Bæði línuritin virðast sýna að launabilið, sem í nokkur ár hefur verið talsvert, er nú allt að því horfið. "Leiðréttingin" sem gerð var 2008 hefur því að miklu leyti gengið til baka samkvæmt þessum tölum.

Ég á því erfitt með að sjá hvernig þessi gögn eiga að styrkja málstað ríkisins. Mér finnst þau fremur veikja hann.

Svo hefði ég nú sleppt því alveg að fara út í vangaveltur um þróun á fjölda fæðinga og fjölda ljósmæðra. Slíkar vangaveltur koma kjaradeilunni í rauninni ekki við og eru aðeins til þess fallnar að skapa gremju.

Hitt er svo annað mál hvað gerist ef gengið verður að kröfum um að auka á ný þetta launabil. Verður það til þess að aðrir hópar æði fram og heimti líka "leiðréttingu" og allt fari þar með í bál og brand á vinnumarkaði? Þetta er án vafa það sem ríkisvaldið óttast. Eina leiðin til að hindra það samhliða hækkun hjá ljósmæðrum er að aðrir hópar samþykki launahækkunina og lofi að leyfa henni að ganga í gegn án frekari viðbragða. Boltinn liggur því í rauninni ekki hjá ríkinu heldur liggur hann hjá launþegahreyfingunni í heild.

 


mbl.is Segja hækkanir ljósmæðra meiri en annarra
Tilkynna um óviðeigandi tengingu við frétt

Bloggfærslur 3. júlí 2018

Um bloggið

Hitt og þetta

Höfundur

Þorsteinn Siglaugsson
Þorsteinn Siglaugsson

Heimspekingur, hagfræðingur og rekstrarráðgjafi og vonsvikinn frjálshyggjumaður.

Athugasemdir eru birtar, en aðeins ef þær eru kurteislegar að mati síðuhaldara. Dónalegum athugasemdum verður hafnað.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Screenshot 2023-03-02 at 21.37.26
  • Screenshot 2023-03-02 at 21.41.11
  • Screenshot 2023-03-02 at 21.41.44
  • Screenshot 2023-03-02 at 21.41.23
  • Screenshot 2023-03-02 at 21.41.44

Heimsóknir

Flettingar

  • Í dag (29.3.): 0
  • Sl. sólarhring: 2
  • Sl. viku: 28
  • Frá upphafi: 0

Annað

  • Innlit í dag: 0
  • Innlit sl. viku: 21
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband