Punktur, punktur, komma, strik

Það er tæpast hægt að segja annað en lögfræðin og bókmenntirnar renni saman í eitt í þessu máli. Og þá erum við ekki að tala um neinar gamaldags ástarsögur heldur súrrealisma af bestu gerð, Beckett, Ionesco, Sartre ...

Málið allt á upphaf sitt í einhverjum úlfaldasjeik suður í Arabíu sem enginn virðist almennilega vita hvort er einu sinni til, kannski bara enskur leigubílstjóri í dulargervi - jafnvel bara kona bílstjórans með gerviskegg og plastnef. Eða milksjeik.

Og svo kemur á daginn að höfuðpaurinn í öllu saman er alls ekki þessi Óli, ekki heldur hinn Ólinn heldur bara Óli prik.

Óskar eftir endurupptöku

Hvað í ósköpunum er "snjóstormur"?

Ef það er átt við það veður þegar stormur og snjór fer saman á heitir það bylur, eða hríð, eða hríðarbylur á íslensku.

Kindur og snjóstormur til Cannes

Bjánalega sagt

Það er frámunalega heimskulegt að viðhafa svona ummæli um heilt byggðarlag. Birgittu væri sæmst að biðjast afsökunar á þeim.

Svo er nú rétt að benda á að Sikiley er í Evrópusambandinu eins og afgangurinn af Ítalíu. Og ekki hefur þess orðið vart að Cosa Nostra hafi staðið neitt sérlega höllum fæti þegar kemur að úthlutun á fjármunum evrópskra skattgreiðenda gegnum byggðaverkefni þess.

Segir Skagafjörð „Sikiley Íslands“

Frans páfi

Frans páfi er merkur maður, heilsteyptur og hugrakkur.

Ísraelar mótmæla samkomulagi

Verkfallið að skila árangri?

Verkfallsliðið hlýtur að verða ánægt þegar það verður ekki aðeins búið að gera aðstæður dýranna eins slæmar og kostur er heldur einnig að koma bændunum á kné, enda aðgerðirnar skipulagðar með það að leiðarljósi að valda saklausum þriðja aðila sem mestu tjóni.

Eina ljósið í myrkrinu er að þegar bændunum fækkar verður kannski hægt að fækka störfum í eftirlitsiðnaðinum.

Stefnir í gjaldþrot hjá bændum

"Vísindavefur"? "Háskóli"?, "Sagnfræðingur"?

Háskóli Íslands, stofnun sem stefnir að því að komast í hóp 100 bestu háskóla í heimi, starfrækir svokallaðan Vísindavef. Þar má finna upplýsingar um hitt og þetta. Nýverið birtist til dæmis á þessum vef grein um verkföll. Höfundurinn er Árni Daníel Júlíusson, Hann er titlaður sagnfræðingur. Í greininni segir meðal annars:

"Sú þróun hefur víða orðið, sérstaklega eftir 1985, að atvinnurekendur og ríkisvald hafa mætt verkfallsvopninu og baráttusinnuðum verkalýðssamtökum af æ meiri hörku. Í Bandaríkjunum og Bretlandi hefur fjölda verksmiðja og vinnustaða einfaldlega verið lokað alveg eða framleiðslan flutt til annarra landa. Það er ein af afleiðingum svokallaðra opnari alþjóðaviðskipta og meira „frelsis“ í flutningum fjármagns. Þessi þróun hefur leitt til rýrnunar lífskjara meðal almennings og stöðugt meira atvinnuleysis, en æ meiri auðsöfnunar um 1% íbúa, hinnar vellauðugu yfirstéttar sem ein hefur aðstöðu til að nýta sér þetta „frelsi“."

Það var og. Skilgreining á hugtakinu verkfall er skyndilega orðin að pólitískum áróðri sem grundvallast á órökstuddum yfirlýsingum um "rýrnun lífskjara meðal almennings" og "stöðugt meira atvinnuleysi". Hvort tveggja rangt þegar litið er til Vesturlanda, en bersýnilegt er að "sagnfræðingurinn" vísar til þeirra samfélaga. Og það að verkfallsaðgerðum hafi verið mætt með "æ meiri hörku" er fjarstæða, þvert á móti hefur dregið mjög úr slíkum átökum. Flutningur framleiðslu frá Evrópu og Bandaríkjunum er ekki vegna einhverra verkfallsátaka heldur einfaldlega vegna þess að lífskjör í þessum löndum eru orðin allt of góð til að fólk sækist eftir þeim kjörum sem slík framleiðsla býður upp á þar sem hún keppir auðvitað við þriðja heims lönd með lakari lífskjör.

Og hvers eiga svo þeir að gjalda sem fá nú störf í þriðja heiminum vegna alþjóðavæðingar? Skipta batnandi lífskjör í Kína og á Indlandi engu máli?

--------------------------

Það er sjálfsagt mál að Háskóli Íslands reki vísindavef. En þá verða stjórnendur hans að hafa vit til að gæta þess að höfundar efnis ástundi fræðileg vinnubrögð en ekki stjórnmálaáróður.

Eignarnám er réttindabrot

Eignarnám á ósköp einfaldlega ekki að líðast. Ef fólk vill ekki selja land sitt undir raflínulagnir, virkjanir eða vegi á ekki að vera hægt að þvinga það til þess með eignarnámi. Hvað þá í landi þar sem aldrei virðist þurfa neinar haldbærar röksemdir fyrir slíku heldur nægir að staðhæfa bara að "almannahagsmunir" séu í húfi án þess að fyrir slíku séu neinar sannanir.

Landeigendurnir höfðu sigur

Óþarfur eftirlitsiðnaður

Allt kjöt sem flutt er til landsins hefur fengið heilbrigðisvottun. Hvers vegna í ósköpunum er þá ekki hægt að tollafgreiða það þegar dýralæknar eru í verkfalli?

Það eina góða við þessi verkföll er að þau geta leitt í ljós dæmi af þessum toga um fullkomlega óþarfan eftirlitsiðnað. Rétt væri, að verkfallinu loknu, að ganga í að breyta lögum svo þetta eftirlit verði óþarft. Þá má líka spara með því að segja ríkisstarfsmönnunum upp sem hafa sinnt því. Einnig ætti að endurskoða eftirlit dýralækna með landbúnaði. Er ekki miklu eðlilegra að eftirlit með kjúklinga- og svínarækt sé höndlað af sjálfstætt starfandi dýralæknum sem bændur semja við beint?

Kjötfjall bíður í frystinum

Ekki nóg með að skattar séu háir ...

... heldur er þjónustan öll í lamasessi þar að auki.

 

Háir skattar og lausatök í fjármálum

Það verður að borga fyrir atkvæðin

Auðvitað verður að greiða fyrir atkvæðin sem veiddust í krafti styrkja frá verktakasöfnuðinum. Hvað annað?

Ramminn ekki af dagskrá