Hvað næst - skjóta flóttamenn?

Er það ekki einboðið að næsta skref "sóttvarnaryfirvalda" verði að fara að skjóta fólk sem fer yfir landamæri? Svo það smitist ekki af kvefinu?

Laumast inn í lokaðan Noreg

Skilar bólusetning einhverju?

Hverju á fjöldabólusetning við þessari veiru að skila?

Það virðist liggja nokkuð ljóst fyrir að:

1. Sjúkdómurinn er flestu fólki alveg hættulaus.

2. Bólusetningin hindrar ekki smit milli fólks, en hindrar að fólk veikist alvarlega.

3. Vörnin dugar aðeins í takmarkaðan tíma.

Hver er þá niðurstaðan?

1. Við bólusetjum fullt af fólki sem hefur enga þörf fyrir bólusetningu og er jafnvel betur sett ef það smitast einfaldlega af veirunni.

2. Fólk heldur áfram að dreifa veirunni.

3. Fólk í áhættuhópum heldur áfram að smitast.

4. Um leið og áhrif bólusetningarinnar fjara út tekur fólk í áhættuhópum aftur að deyja af veirunni.

 

Gætu notað mörg íþróttamannvirki til að bólusetja

Ekki afleiðingar covid heldur aðgerða stjórnvalda

Hér er vitanlega ekki um að ræða beinar afleiðingar af veirusjúkdómnum. Þetta eru afleiðingar þess að stórum hluta almennrar heilbrigðisþjónustu hefur verið lokað í "sóttvarnaskyni", afleiðingar þess að fólki hefur verið meinað langtímum saman að fara út úr húsi, það hefur verið markvisst hrætt frá því að leita sér heilbrigðisþjónustu, og svo hafa ferðatakmarkanir vitanlega sín áhrif líka.

Allt þetta mátti sjá fyrir, en hart gengið fram í að þagga niður í öllum sem reyndu að benda á tjónið sem heimskulegar aðgerðir stjórnvalda myndu valda.

Hörmulegar afleiðingar Covid-19

Hvar eru sannanirnar?

Hvar eru sannanir fyrir því að grímur virki?

Engar slíkar sannanir hafa verið lagðar fram, enda eru þær ekki til.

Hvers vegna spyr enginn blaðamaður hvaða rannsóknir sýni að þetta virki?

Getum slakað á ef við höldum í grímurnar

Þegar fókusinn tapast

Hér sjáum við glöggt hvernig fókusinn á heildarmynd hlutanna hefur tapast. Áströlsk hugveita metur lönd eftir viðbrögðum þeirra við faraldrinum. Matið grundvallast auðvitað einvörðungu á fjölda tilfella, fjölda dauðsfalla og svo framvegis vegna kórónaveirunnar. Fjöldaatvinnuleysi og fátækt, tjón á námi barna og ungmenna, dauðsföll vegna lokunaraðgerða, sjálfsvíg - ekkert af þessu skiptir neinu máli.

Ég legg til að þessi hugveita geri í framhaldi samanburð á frammistöðu landa í loftslagsmálum og noti þá líka bara einn mælikvarða - orkunotkun á einstakling. Norður-Kórea verður í toppsætinu!

Ísland í 7. sæti yfir viðbrögð við faraldrinum

Já, er það?

Staðreyndin er sú að í þessum faraldri hefur maður gengið undir manns hönd að hindra opna umræðu, þagga niður í vísindamönnum sem gagnrýna opinberar aðgerðir, grundvalla afdrifaríkar ákvarðanir á getgátum og þvert á staðreyndir og gögn, og dæla viðstöðulaust út hræðsluáróðri og oft hreinum ósannindum.

Það er merkilegt að hér sé hið margfræga þríeyki nefnt sem dæmi um aðila sem standi með vísindunum, því það fólk hefur trekk í trekk orðið uppvíst að því að ljúga og magna upp tilefnislausan hræðsluáróður með daglegum áróðursfundum sínum, í greinaskrifum og viðtölum.

Alger afneitun gagnvart neikvæðum afleiðingum fordæmalausra aðgerða stjórnvalda einkennir 90% fræðasamfélagsins líkt og sjá má á skrifum ýmissa einstaklinga sem starfa við Háskólann.

Það sem á undir högg að sækja eru ekki hin þröngu fræðasvið heldur rökleg og heildræn hugsun, skilningur á samhengi orsaka og afleiðinga, og ekki síst siðferðileg ábyrgð.

Ábyrgðin er að stórum hluta hjá einstaklingum eins og Jóni Atla Benediktssyni sem virðast álíta það hlutverk vísindamanna fyrst og fremst að bergmála og reyna að styðja við vanhugsaðar og skaðlegar ákvarðanir stjórnmálamanna.

Áhyggjuefni hve andskynsemi er útbreidd

Ábyrgð sóttólfanna?

Það er ansi hreint alvarlegt mál ef hið orðum prýdda þríeyki er beinlínis að valda banaslysum í umferðinni með heimskulegum tilraunum sínum til að útrýma sjúkdómi sem í fyrsta lagi er ekki hægt að útrýma og sem í öðru lagi er 40-100 sinnum hættuminni en Spænska veikin, og nánast alveg hættulaus öllum undir fimmtugu.

Er ekki líklegt að þessi ungu hjón hefðu hvílt sig fyrir ferðina, og hvílt sig á leiðinni, ef ekki væri fyrir frekju og heimsku þessa ábyrgðarlausa fólks?

Yfirvöld etji þreyttum ferðalöngum út að aka

Ábyrgðin hjá honum sjálfum

Þessi maður hefur hamast gegn þeim sem vilja fara skynsamlegar leiðir, vernda viðkvæma hópa og forða milljónatugum frá dauða vegna hindrana og samfélagslokana. Að baki liggur skammsýni og gegndarlaus sérhyggja og undir þessa lesti hefur stofnun hans ýtt af fullum þunga.

Þegar sama sérhyggjan og skammsýnin tekur völdin þegar kemur að dreifingu bóluefna er sá eini sem hann getur kennt um hann sjálfur.

Heimurinn á barmi „skelfilegs siðferðisbrests“

Nú þarf hugur okkar allra að vera hjá Guðmundi

Það er stórkostlegur áfangi að Guðmundur Felix Grétarsson skuli nú loks hafa fengið handaágræðsluna sem hann hefur beðið eftir í öll þessi ár. Eins og fram kemur í fréttinni er hér um gríðarlega flókna aðgerð að ræða, sem aldrei hefur verið framkvæmd áður. Ég vona að allir landsmenn hugsi nú til Guðmundar og óski þess að aðgerðin heppnist sem allra best.

Guðmundur fær loksins hendur eftir sögulega aðgerð

Verður sífellt hallærislegra

Íslensk stjórnvöld, þar á meðal sóttólfafereykið með þennan Kára innanborðs, klúðruðu kaupum á bóluefni sem ætlað er að stöðva útbreiðslu pestar sem er 40-100 sinnum hættuminni en Spænska veikin. (Er því óþarft, en nauðsynlegt vegna ofsahræðslunnar.)

Eftir að þetta klúður varð opinbert (vitanlega ekki fyrr en allir vissu af því) fór svo liðið af stað að reyna að redda málinu, eftir á. Og reddingin átti að vera sú að gera einhverja rannsókn á því hvort bóluefnið virki, sem er kannski svolítið seint séð, því það er búið að sýna fram á að það virki, og ef eftir var að sýna fram á eitthvað er Ísrael nú að gera það.

En þessa sjálfsögðu staðreynd má vitanlega ekki viðurkenna, heldur er gripið til elsta bragðsins í bókinni og reynt að kenna Dönum um.

Hallærislegra getur það ekki orðið.

Sakar Dani um að eyðileggja viðræður