Nú þarf hugur okkar allra að vera hjá Guðmundi

Það er stórkostlegur áfangi að Guðmundur Felix Grétarsson skuli nú loks hafa fengið handaágræðsluna sem hann hefur beðið eftir í öll þessi ár. Eins og fram kemur í fréttinni er hér um gríðarlega flókna aðgerð að ræða, sem aldrei hefur verið framkvæmd áður. Ég vona að allir landsmenn hugsi nú til Guðmundar og óski þess að aðgerðin heppnist sem allra best.

Guðmundur fær loksins hendur eftir sögulega aðgerð

Athugasemdir

[Tómas Ibsen Halldórsson, 14.1.2021 kl. 19:14]

Drottinn Guð gefi góðan gróanda og góða aðlögun handleggjanna að líkama Guðmundar, í Jesú nafni.

[Þorsteinn Siglaugsson, 14.1.2021 kl. 19:21]

Tek heilshugar undir þessa fallegu bæn Tómas.

[Ragnhildur Kolka, 14.1.2021 kl. 22:45]

Ég trúi því að öll íslenska þjóðin óski Guðmundi alls góðs og aðgerðin verði það kraftaverk sem hann hefur beðið eftir öll þessi ár.

[Þorsteinn Siglaugsson, 14.1.2021 kl. 23:09]

Svo sannarlega Ragnhildur. Það er ótrúleg þrautseigja og viljastyrkur sem þessi maður hefur sýnt. Hann á svo sannarlega skilið að njóta ávaxtanna.

[Hörður Þormar (IP-tala skráð) 15.1.2021 kl. 00:47]

Ég tek undir öll þessi hlýlegu orð, en gæfa og gjörvileiki fara ekki alltaf saman, þannig er lífið:                                                       Schubert - Der Leiermann - Thomas Quasthoff / Daniel Barenboim Kees de Jong Kees de Jong • 1.4M views 11 years ago                                                      

[Hilmar Bjarnason (IP-tala skráð) 15.1.2021 kl. 16:47]

Þjóðin mun ljá honum hjálparhönd.