Sanngjarnar bætur?

Þetta orðalag er ekki aðeins móðgun við fólkið sem reynir nú að sækja rétt sinn eftir að gerspillt ríkisvald eyðilagði líf þess.

Það er einnig móðgun við sanngirnishugtakið sjálft.

Hvers vegna segir ekki forsætisráðherra bara það sem hún er að meina? Hún sé tilbúin að semja um lágar bætur. Því það sem boðið hefur verið er svo fjarri því að vera sanngjarnt. Hvers vegna? Einfaldlega vegna þess að það er ekki í neinu samræmi við fyrri niðurstöður dómstóla í slíkum málum.

Þetta er sambærilegt við að vinnuveitandi ráði til starfa mann í tvo daga og greiði honum 50 þúsund á dag. Síðan ráði hann annan mann í mánuð, en þegar sá vilji fá sömu laun á dag sé því svarað til að hann fái bara 10 þúsund á dag því launin verði nú að vera sanngjörn!

Með þessu hefur nú Katrín Jakobsdóttir endanlega opinberað sig, ekki aðeins sem hræsnara, heldur einnig sem fífl. 

Ríkið „tilbúið að semja um sanngjarnar bætur“

Leviathan á ferð

Hér kemur innsta eðli ríkisvaldsins fram, rétt eina ferðina:

Reyna allt til að hindra að borgararnir fái notið réttinda sinna.

Beita lygum og blekkingum að vild, enda siðferðiskenndin ekki til staðar.

Leggja alla áherslu á að reyna að finna aukaatriði til að hengja sig í, vitandi að þau skipta ekki máli.

Og treysta svo á að borgararnir gefist á endanum upp gagnvart valdinu: Baráttan verði þeim of erfið.

 

Ríkið hafnar bótakröfum Guðjóns

Sniðug undirskriftasöfnun

Ef miðað er við fjölda hlustenda Útvarps Lygasögu, en það er úrtakið sem orkupakkasöfnuðurinn virðist helst miða við sem þverskurð almennings, grunar mig að nokkur hundruð prósent úrtaksins hafi nú þegar skrifað undir þessa áskorun. Það er vel af sér vikið. Og forsetinn hlýtur nú að eiga svefnlausar nætur framundan og naga neglurnar niður í kviku af valkvíða einum saman.

Þetta hlutfall hlýtur enn að aukast eftir því sem fleiri málum er bætt í undirskriftasöfnunina síðar meir, til dæmis mótmælum gegn útlenskum mat, samkynhneigðum, Báru Halldórsdóttur, hörundsdökku fólki, Múhameðstrúarmönnum og svo framvegis.

Þetta er mjög þægileg undirskriftasöfnun: Maður skrifar bara einu sinni undir og þá er maður um leið búinn að mótmæla öllu öðru sem aðstandendurnir eru á móti og kunna að verða á móti í framtíðinni. Mjög frumlegt og sniðugt.

Guðna tilkynnt um 7.643 undirskriftir

Áhugavert verkefni

Það væri áhugavert verkefni fyrir fræðimenn í hugvísindum, sálfræði eða félagsfræði að gera greiningu á orðræðu þeirra sem undanfarið hafa rembst við það eins og rjúpur við staura að reyna að sannfæra almenning um að uppfærsla á reglum EES um orkumarkaðinn sé fullveldisafsal eða jafnvel landráð. Slíka greiningu gæti verið mjög gaman að lesa.

Næsta orkupakkaumræða í sjónmáli