Að níðast á börnum

Miðað við lýsingu Daggar Pálsdóttur lögmanns í Kastljósi í gær virðist hér einfaldlega mannrán á ferðinni: Barnið er numið á brott án dóms og laga. Réttast væri því líklega að óska aðstoðar lögreglu við að ná barninu og handtaka og fangelsa barnsræningjana.

Eins og glögglega kom fram í málum Breiðavíkurbarna hefur fjöldi brenglaðra einstaklinga fengið að níðast óáreittir á varnarlausum börnum í áraraðir í skjóli svonefndra barnaverndaryfirvalda.

En bein líkamleg eða kynferðisleg misnotkun er því miður ekki eina leiðin til að kvelja saklaus börn. Þótt stundum sé vilji til að hjálpa vafalaust ástæðan grunar mig að miklu fleiri starfsmenn barnaverndaryfirvalda velji sér þennan starfsvettvang af sjúklegri hvöt til að ráðskast með líf annars fólks. Þessir valdsjúku einstaklingar þrífast á því að þvinga aðra til að láta að vilja sínum og fylgjast svo stoltir með hvernig „vel meintar aðgerðir“ þeirra eyðileggja líf fórnarlambanna.

Í þessu máli virðist sem barnaníðingar af fyrrnefndum toga hafi því miður enn og aftur fengið tækifæri til að þægja sjúklegum og lágkúrulegum hvötum sínum. Er ekki mál að linni?

Fordæma aðgerðir barnaverndarnefndar

Athugasemdir

[Jón Valur Jensson, 11.11.2009 kl. 10:38]

Heill og sæll. Ég skrifaði um þetta mál tvo pistla: Breiðavíkursamtökin fordæma barnaverndarnefnd fyrir að taka barn frá fjölskyldu! (í gær) og Krefjumst frelsis og mannréttinda fyrir 9 ára strokustrákinn strax í dag!

[Þorsteinn Siglaugsson, 11.11.2009 kl. 12:56]

Þakka þér þetta. Það vekur raunar furðu að hinir fyrirhuguðu fósturforeldrar skuli hafa geð í sér til að taka þátt í þessum níðingsskap.