Vonandi rétt að LV verði einkavædd

Það er vonandi rétt hjá Skúla Thoroddsen að til standi að einkavæða Landsvirkjun. Með einkavæðingu væri tryggt að ekki yrði farið út í fleiri ævintýri á borð við Kárahnjúkavirkjun. Það verður líka áhugavert að sjá hvert virði þeirrar virkjunar verður metið þegar kemur að sölunni. Næsta víst er að það verði amk. 20-30 milljörðum undir byggingarkostnaði, enda hlýtur ríkisábyrgð að verða afnumin með einkavæðingunni og virkjunin endurfjármögnuð. Þá kemur kostnaðurinn af verstu fjárfestingarákvörðun Íslandssögunnar í ljós svo ekki verður um villst.

Segir að byrjað sé að undirbúa sölu Landsvirkjunar

Athugasemdir

[Haukur Nikulásson, 1.5.2007 kl. 23:26]

Þú óttast ekkert að Alcoa eða Alcan eignist Landsvirkjun og noti þig til að niðurgreiða betur orkuverðið til álveranna?

[Siggi (IP-tala skráð) 2.5.2007 kl. 00:18]

Heyr heyr Þorsteinn.

Haukur, þú hlýtur að sjá að það er einmitt það sem hinir miklu landsfeður hafa látið þig gera lengi. Það getur ekki versnað úr þessu.

[Þorsteinn Siglaugsson, 2.5.2007 kl. 08:46]

Það er rétt sem Siggi segir, að við höfum verið að niðugreiða orkuverð til stóriðju um langa hríð. Hverjir svo sem nýir eigendur verða munu þeir vafalaust halda áfram að reyna það, en væntanlega má þá gera ráð fyrir að raunveruleg samkeppni komist á og það verði því erfiðara.

[Haukur Nikulásson, 2.5.2007 kl. 10:48]

Hvar ætlið þið að fá samkeppnisaðila?