Fengur að Andrési

Andrés Magnússon er frábær blaðamaður. Morgunblaðinu er fengur að því að fá hann til starfa.

Andrés Magnússon ráðinn fulltrúi ritstjóra

Áhugavert álitamál

Þetta er örugglega mjög spennandi viðfangsefni fyrir lögfræðinga. Væntanlega má halda því fram að með undirliggjandi hótun um samninga við annað félag sé verið að hafa áhrif á niðurstöðu atkvæðagreiðslu um samninginn. Það væri þá brot á þessu ákvæði og á við um það sem gerist eftir að samningurinn var undirritaður. Hótunin kom hins vegar fram áður en samið var.

Hins vegar má líta þannig á að þarna sé einfaldlega verið að gera samningsaðila ljóst að ef ekki semst við hann sé hægt að semja við aðra. Með því er þá í sjálfu sér ekki verið að hafa áhrif á afstöðu starfsmanna beint. Og ákaflega hæpið að hægt sé að fetta fingur út í slíkt. Það ríkir jú félagafrelsi og þar af leiðandi getur eitt stéttarfélag ekki haft einokunaraðstöðu og útilokað önnur.

Að lokum er erfitt að halda því fram að með uppsögnunum sé verið að hafa áhrif á afstöðu starfsmanna. Því var ekki hótað að segja þeim upp. Þeim vara bara einfaldlega sagt upp og því ekkert tækifæri fyrir þá til að breyta um afstöðu.

Gjörólík sýn á lögmæti uppsagna

Athyglivert verkfall

Verkfall er þegar starfsfólk tekur sig saman um að mæta ekki í vinnuna. En hvað þegar starfsmennirnir hafa allir verið reknir, samningar við stéttarfélag þeirra eru fallnir úr gildi og viðveru þeirra er ekki óskað á vinnustaðnum. Hverju breytir þá verkfallið?

Flugfreyjur undirbúa verkfall

Stórfurðuleg vinnubrögð

Maður veltir því fyrir sér hvort það hafi verið markmið að valda Icelandair tjóni. Eða hvernig er hægt að túlka það öðruvísi þegar skrifað er undir samning, en félagsmenn svo leynilega hvattir til að fella hann?

Eftir þessa atburðarás er hins vegar ljóst að Icelandair hefur frítt spil varðandi samninga við aðra en þetta félag. Það er ljóst að það er ekki hægt að semja við fólk sem skrifar undir, en meinar ekkert með því.

Flugfreyjufélagið viðurkennir mistök við samningagerð

Velkominn til Íslands!

Það er ömurlegt að þurfa að flýja heimaland sitt til að geta lifað í friði. Það er gott að Hassan tókst að komast hingað og getur komið undir sig fótunum hér. 

Var heilt ár á leiðinni til Íslands

Svona byrjar það ...

Kúgunin byrjar alltaf sem sakleysislegar aðgerðir til að hindra eitthvað sem nánast allir eru sammála um að eigi að hindra. Hingað til hafa það aðallega verið upplognar auglýsingar, hatursfullur áróður og þess háttar. Eitthvað sem flestu fólki finnst ógeðfellt.

En tilefnið núna var, sem allt varð vitlaust út af, var ekki þannig. Tilefnið var ummæli Trumps, sem voru í sjálfu sér ekkert alvarleg: Viðvörun um að þegar gripdeildirnar hæfust myndi ofbeldið byrja. Það gerðist síðan auðvitað, og þarf ekki að koma neinum á óvart.

 

Ekki nóg gert til að vernda notendur

Með þessum rökum ætti að loka landinu og taka upp útgöngubann

Hér er því haldið fram að vegna þess að eitt smit getur smitað út frá sér sé nauðsynlegt að viðhalda skimun, þegar 10 virk smit hafa greinst af 23.000 manns sem hafa verið prófaðir, eða 0,04%. Hvers vegna er þess þá ekki krafist, á sama grundvelli, að útgöngubanni verði komið á og landinu einfaldlega lokað? Hér eru ábyggilega einhver virk smit til staðar. Og eflaust fleiri en 10. Og smit geta sloppið framhjá skimuninni.

Þetta er svo mikil arfavitleysa að annað eins hefur varla sést. Að sjálfsögðu á að nota þá fjármuni sem verið er að sóa í þessa vitleysislegu landamæraskimun, sem engri heilvita þjóð hefur dottið í hug að taka upp, til að efla greiningu og smitrakningu innanlands, ekki í að elta einhverjar vofur.

Röksemdir læknanna vegi ekki þungt

10 smit af 32.000

Af hverju að vera að eyða fé í þessa skimun? Það í rauninni enginn að bera hingað smit. Hætta þessu bara strax.

Leita leiða til að halda úti óbreyttri skimun

Hvernig dettur fólki í hug að treysta Kára Stefánssyni fyrir hagsmunum lands og þjóðar?

Enn og aftur kemur á daginn hvernig Kári Stefánsson hegðar sér eins og óþekkur og frekur krakki þegar ekki er strax stokkið til eftir öllum dyntum hans, og jafnvel líka þegar stokkið er til.

Mig er farið að gruna sterklega að frá hans hálfu snúist málið allt um að spila með fólk. Hann leggur til að skimað verði á landamærum. Nokkuð sem hvergi annars staðar er gert. Hvers vegna? Hann veit auðvitað að einungis ÍE hefur burði til að standa að þessu. Þar með hefur hann ráð stjórnvalda í hendi sér. Hann gerir þau háð ÍE. Svo, vegna þess, að því er virðist, að forsætisráðherra bregst ekki við bréfi hans frá 1. júlí nákvæmlega á einhvern þann hátt sem hann, eftir á, krafðist, er rokið til og hótað að hætta framkvæmdinni.

Stjórnvöld þurfa að losa sig úr þessari úlfakreppu. Ekki seinna en strax. Hætta þessum vitleysislegu skimunum, sem augljóst er orðið að þjóna engum tilgangi, halda landinu opnu fyrir fólki frá öruggum svæðum, en lokuðu gagnvart öðrum, og nýta afkastagetu spítalans og heilsugæslunnar til að taka tilviljanakennd sýni og bregðast við hópsýkingum.

Ekki láta þennan bullukoll halda áfram að spila með ykkur, ágæta ríkisstjórn! Það er nóg komið!

„Gjörsamlega útilokað“ að taka við á þriðjudag

Verður öllum skipað að skrifa á sænsku

Nú verða íslenskir rithöfundar að læra sænsku svo þeir fái reyfarana gefna út. Og auk þess að lesa þá upp á sænsku inn á teip. Markmið Svíanna er nefnilega auðvitað að eyðileggja íslenskar bókmenntir enda íslensku reyfararnir skárri en þeir sænsku.

Rithöfundasambandið vantreystir Storytel