Hin verstu fól

Það er auðvitað grafalvarlegur glæpur að keyra á 70. Veitir ekki af að taka þessa kóna til bæna!

En væri samt ekki gaman ef einhvern tíma bærust fréttir af því að löggunni hefði tekist að koma í veg fyrir alvöru afbrot?

Meirihluti ökumanna ók of hratt um Víkurveg

Athugasemdir

[Sigurður M Grétarsson, 14.11.2007 kl. 11:16]

Er það ekki alvöru afbrot að leggja líf og limi samborgara sinna í hættu með ofsaakstri?

[Geiri (IP-tala skráð) 14.11.2007 kl. 11:16]

Já finnst ekkert merkilegt við það þegar meðalhraði er rifjaður upp, en hann er líklega 20 km yfir. Ökunemar sem neyðast til þess að keyra á hámarkshraðanum taka eftir því að 90% bíla bruna framhjá þeim. En alltaf þegar umræðan hefst er stór meirihluti sem fordæmir hraðakstur og já einmitt talað um það sem alvarlegan glæp, erum við Íslendingar bara hræsnarar sem vilja passa upp á ímyndina? 

En já við virðumst öll móta okkar eigin hraðamörk óháð lögum, sjálfur keyri ég á meðalhraðanum með hreina samvisku þó ég sé á móti ofsaakstri. Já ég verð hreinskilinn í dag þó það sé hætta á skítkasti. 

[Þorsteinn Siglaugsson, 14.11.2007 kl. 11:43]

Finnst þér enginn munur á því að keyra á 70 og á ofsaakstri, Sigurður?

[Hjörvar Pétursson (IP-tala skráð) 14.11.2007 kl. 12:57]

20 km yfir lögboðnum hámarkshraða eru 20 km yfir lögboðnum hámarkshraða, hvort sem ekið er í íbúðahverfi, á þjóðvegi eða stofnbraut í þéttbýli. Þeir sem það gera eru bara ótíndir lögbrjótar, svo einfalt er það, þótt þeir fyrtist kannski við að vera kallaðir sínu rétta nafni.

Munurinn á 70 km og 170 km er stigs- en ekki eðlismunur. Glæpurinn (og já, ég segi glæpurinn) er sá sami, þótt refsingin sé mishörð eftir stærðargráðu afbrotsins. Þannig á það líka að vera.

Finnst þér bara allt í lagi að keyra á 110 á einbreiðum þjóðvegi, Þorsteinn? En á 50 framhjá skóla í íbúðahverfi?

[Þorsteinn Siglaugsson, 14.11.2007 kl. 13:39]

Það sér hver skynsamur maður að það er úrslitamunur á 70 og 170 km. hraða og vangaveltur um hvort það eigi að kalla stigsmun eða eðlismun eru bara út í bláinn. Ég held að hver einasti maður sem á annað borð er á lífi hafi einhvern tíma brotið einhver lög eða reglur. Það merkir ekki að allir séu "ótíndir lögbrjótar".

Lög eru rammi, en ekki nákvæm fyrirmæli. 90 km. hraði getur t.d. verið allt of mikill á vondum vegarslóða, hvað svo sem lögin segja. 110 km. hraði getur verið í fínu lagi á tvíbreiðum malbikuðum vegi í lítilli umferð. Þetta held ég að allt skynsamt fólk skilji.

[Jóhannes (IP-tala skráð) 14.11.2007 kl. 14:16]

Ég hef keyrt um þennan veg og ég sé lítið að því að hann sé gerður að 70 vegi.   Það er ekki mikið um mannaferðir yfir veginn þar sem það er ekkert öðru megin við hann fyrir utan Egilshöllina aðeins neðar í götunni,  Þetta er beinn vegur með engum blindhæðum eða blindbeygjum eða í raun neinu sem getur valdið hættu á akstri fyrir utan 2 hringtorgum sem eru vel sjáanleg og vel "auglýst".  Og þar að auki er meirihlutinn af akreinunum aðskildar með umferðareyjum.

Hjörvar,  þú getur ekki borið saman að keyra á 20km yfir hámarkshraða á vegi einsog víkurvegi og að keyra framhjá skóla, ekki segja mér að þú sért einn af þeim sem keyrir 10km undir hámarkshraða á vinstri akrein eftir miklubrautinni og sért að velta fyrir þér af hverju fólk fyrir aftan þig er svona pirrað.

Gæti ekki verið ástæða fyrir því að meirihluti ökumanna sem keyra þarna um sé að keyra yfir hámarkshraða, gæti það ekki verið að aðstæður eru það góðar að þeir treysti sér til að keyra á þessum hraða,  ég stórlega efast um að yfir 120 ökumenn í Grafarvoginum séu "ökuníðingar".

Og hvað er löggan að setja myndavélar við fína vegi með lítilli slysahættu,  væri ekki betra að planta þessum vélum hjá Leikskólum og Grunnskólum, hjá heilsugæslum, sjúkrahúsum og samkomustöðum og öðrum stöðum þar sem það er lítið fólk (börn fyrri fattlausa), veikt fólk eða mannmergð þar sem ökumenn þurfa að vera á varbergi gagnvart gangandi vegfarendum

[Hjörvar Pétursson (IP-tala skráð) 14.11.2007 kl. 15:53]

Ég ek þessa leið nánast daglega og verð víst að játa uppá mig að sennilegast er ég frekar nær 60 km hraða en 50 á þessum vegarkafla. Ekki þar með sagt að mér finnist þörf á að grobba mig af því - þetta er bara nokkuð sem ég verð að játa upp á mig, frómt frá sagt. Það má meir að segja vel vera að mín bíði sekt í póstinum eftir síðustu myndavélarassíu, og ef svo er, þá verð ég bara að taka því eins og hverju öðru hundsbiti (sá "lögbrjótur" sem ég þá er ). Ég hef þá líka vonandi vit á að vera ekkert að barma mér yfir því, heldur vita upp á mig skömmina.

Þorsteinn. Þegar þú segir að lög séu rammi, en ekki nákvæm fyrirmæli, þá tek ég sem gefið að þarna sé á ferð ígrundunarleysi (eða etv einhverslags misskilningur), frekar en rakin siðblinda. Samkvæmt lögum ber þér að aka eigi hraðar en sem nemur 50 km hraða á tilteknum vegarkafla, ef umferðarskilti taka fram að það sé hámarkshraðinn. Ef þú brýtur það er hægt að sekta þig fyrir umferðarlagabrot, eða beita þaðan af harðari viðurlögum. Öllu nákvæmari gerast fyrirmælin ekki - þetta er ekki rammi fyrir ökumenn að leika sér með eftir geðþótta. Fólk getur vissulega kosið að fara ekki eftir lögum og reglum, en þá þarf um leið að gera sér ljóst að það er nokkuð sem maður gerir á eigin ábyrgð og verður þá líka að taka afleiðingum gjörða sinna ef uppá er klagað. Þannig er það nú bara.

Egilshöllin er þarna fyrir handan, eins og Jóhannes nefnir. Og reyndar amk eitt stykki einkarekinn leikskóli líka, ef út í það er farið. Gera þarf ráð fyrir gangandi umferð í hvort tveggja yfir Víkurveginn. Og við skulum ekki gleyma að nú er skammdegi. Almennt gildir að hámarkshraði í þéttbýli sé ekki yfir 50 ef eingöngu er ein akrein í hvora átt. Mér finnst sú þumalputtaregla ágæt, heilt yfir, og vissast að fara varlega í að víkja frá henni þegar hraðatakmarkanir eru ákveðnar.

Nei Jóhannes, óviðeigandi sleðaakstur á vinstri akrein fer alveg jafn mikið í taugarnar á mér og næsta manni, svo ég reyni að forðast að gera mig sekan um slíkt sjálfur (sem minnir mig reyndar á persónulega reynslusögu með fallegum móral). En Jóhannes, ekki segja mér að þú sért einn af þeim sem missa þolinmæðina þegar þeir keyra í þjóðvegahalarófu sem gengur á 90-95 og bruna fram úr 10-20 bílum í einum maraþon-framúrakstri og pirrar þig á því þegar næst-fremsti bíllinn tekur framúr þeim fremsta fyrir framan þig á "ekki nema" hundrað kílómetra hraða.

[Þorsteinn Siglaugsson, 14.11.2007 kl. 21:34]

Það sem ég á við með því að lögin séu rammi er að það er útilokað að setja lög sem mæla nákvæmlega fyrir um hversu hratt megi keyra hvar við hvaða aðstæður. Þess vegna eru settar almennar reglur. Í flestum sæmilega siðuðum ríkjum er löggæslan meðvituð um þennan annmarka og eltist því ekki við þá sem t.d. aka á almennum umferðarhraða sem, eins og Geiri og Jóhannes benda á, er oft nokkuð yfir uppgefnum hámarkshraða. Hraðamælingar á borð við þá sem fréttin greinir frá eru hins vegar fremur handahófskennd tekjuöflun en raunveruleg viðleitni til löggæslu sem skiptir einhverju máli.

Meginatriðið er það, að ekki er raunhæft að ætla að stýra allri hegðun fólks eftir nákvæmum reglum líkt og í tölvuforriti. Það þarf einfaldlega að treysta á að fólk hegði sér skynsamlega og það eru flestir færir um, líka þegar kemur að því að meta, í hverju tilfelli fyrir sig, hvort fylgja skuli viðkomandi reglu til fulls eða ekki.

[Hjörvar Pétursson (IP-tala skráð) 15.11.2007 kl. 10:49]

Og þar er ég þér algjörlega sammála, Þorsteinn. Okkur fer í raun ekki að greina á fyrr en komið er útí smáa letrið á túlkuninni.

[Þorsteinn Siglaugsson, 15.11.2007 kl. 11:16]

Gott að við erum orðnir sammála.

Bara verst að þá getum við ekki rifist meira um þetta