Grænt = Árangur í fremstu röð = Mest á hausnum

Ekki verður af öfugmælunum skafið. Nú er sumsé komið "litakóðunarkerfi" í efnahagsmálum landa þar sem þau ríki sem hafa komið sér lengst út á kaldan klaka efnahagslega fá græna merkingu.

Á Íslandi vill svo til að stjórnvöld hafa með aðgerðum sínum valdið hinu opinbera tjóni sem nemur 1200 milljörðum á árunum 2020-2023, og eflaust meiru þegar niðurstöður um umsvif í ferðaþjónustu á þessu ári liggja fyrir.

Þetta nemur heils árs tekjum hins opinbera.

Það nemur kostnaði við 21 nýjan Landspítala.

Það að tapa heils árs tekjum á fjórum árum merkir stórskaddað heilbrigðiskerfi, svo eitthvað sé nefnt.

Stórskaddað heilbrigðiskerfi merkir dauðsföll. Miklu fleiri en hefðu nokkurn tíma getað dáið úr kóvít.

Árangur í fremstu röð!

Ísland meðal grænna ríkja eftir leiðréttingu AGS

Athugasemdir

[Grímur Kjartansson, 14.4.2021 kl. 12:31]

Líttu á jákvæðu hliðarnar
Samfylkingin og Viðreisn hafa verið að æpa og öskra um að aðgerðir ríkisstjórnarinnar séu of litlar
Þau verða núna að kokgleypa sín fyrri ummæli

Hvað eigum við líka að gera
það virðast allar þjóðir vera gera það sama þó mesti hitinn sé hjá peningaprentverksmiðjum USA og ESB sem keyrðar eru dag og nótt á hámarksafköstum

[Magnús Sigurðsson, 14.4.2021 kl. 13:22]

Já en það eru kóvít kosningar Þorsteinn.

[Þorsteinn Siglaugsson, 14.4.2021 kl. 14:10]

Já, kóvít hefur meðal stjórnmálamanna leitt af sér hina skæðu pest fávit. Og við henni eru engin bóluefni til því miður.

[Magnús Sigurðsson, 14.4.2021 kl. 15:36]

Það má reyna að bólusetja við fáviti, -jafnvel bílslysum.

Það er aldrei að vita nema árangurinn standist samanburð við kóvít bólusetningarnar.

Bara spurning hver á að taka tölfræðina saman og kynna fyrir pöpplinum.