Markviss vernd er eina lausnin - það verður að láta af vitleysunni

Það kemur æ betur í ljós hversu mikilvægt það er að taka strax upp þá aðferð að vernda viðkvæma hópa, en láta aðra í friði. Evrópa, þar með talið Ísland, getur ekki haldið áfram hinum ómarkvissu aðgerðum sem drepið hafa samfélögin í dróma með þeim ótöldu hörmungum sem því fylgja fyrir milljónir manna.

Vitanlega hefði átt að bregðast strax við faraldrinum með þessum hætti, fara þá leið sem sóttvarnalæknir hér mælti með þegar faraldurinn hófst, þegar hann sagði óraunhæft að ætla að koma í veg fyrir útbreiðsluna, en áherslan þyrfti að vera á að vernda þá sem væru í mestri hættu. Hefði þetta verið gert væri faraldrinum væntanlega löngu lokið hérlendis.

En nú horfum við fram á annað ár af þessu ástandi að óbreyttu, tugþúsundir hafa þegar misst vinnuna, ríkið er að lenda í ógöngum með fjármögnun hallans - það er ekki annað í boði en að láta af vitleysunni og taka upp skynsamlegar aðferðir.

ESB missti af bóluefnislestinni

Athugasemdir

[Geir Ágústsson, 19.12.2020 kl. 19:18]

En erum við ekki á endasprettinum? Þurfum bara að halda í okkur andanum aðeins lengur?

Jafnvel þótt bóluefnum seinki, þau virki ekki eins og sölubæklingarnir segja og valdi einhverjum óþægindum?

Jafnvel þótt allar spár um endalok veirunnar hafi ekki ræst og sé sífellt skotið lengra út í framtíðina?

Jafnvel þótt það blasi við eftir alla þessa mánuði að lífslíkur þeirra undir sjötugu séu svo gott sem 100% þrátt fyrir alla undirliggjandi sjúkdómana sem hrjá samfélagið (offita, áunnin og meðfædd sykursýki, bæld ónæmiskerfi og hvaðeina)?

Þú ert staddur í brekku, sérð í hillingum toppinn og þegar þú nálgast hann þá skýst hann marga kílómetra lengra í burtu. 

Þurfum við ekki bara að "halda út"?

[Þorsteinn Siglaugsson, 19.12.2020 kl. 20:31]

Jú Geir minn, við þurfum bara að halda þetta út, eins og Sýsífos forðum ...