Heilbrigð sál í hraustum líkama - hver eru áhrif sóttvarnaraðgerða á íþróttastarf?

Miðvikudaginn 2. desember kl. 12 á hádegi stendur hópurinn „Út úr kófinu“ fyrir fundi um þær áskoranir sem íþróttastarf í landinu stendur nú frammi fyrir vegna takmarkana sem settar hafa verið á íþróttastarf. Fjallað verður um þær afleiðingar sem þessi staða hefur, bæði fyrir líkamlega og andlega heilsu barna og unglinga og fyrir afreksíþróttir.

Fundinum stýrir Bjarni Th. Bjarnason, formaður Skíðasambands Íslands. Hann ræðir við Guðna Bergsson, formann KSÍ, Sólveigu Jónsdóttur, framkvæmdastjóra Fimleikasambands Íslands, og Dr. Jón Ívar Einarsson, lækni og prófessor við Harvard Medical School.

Fundinum verður streymt á Facebook

Við hvetjum allt áhugafólk um íþróttastarf og lýðheilsu til að fylgjast með þessari umræðu.

“Út úr kófinu” er hópur fólks úr ýmsum geirum samfélagsins sem vill leggja sitt af mörkum til að bæta upplýsingagjöf um kórónuveirufaraldurinn, afleiðingar og aðgerðir ásamt því að færa skoðanaskipti upp á yfirborðið og móta tillögur að leiðum út úr þessu ástandi. Nánari upplýsingar á kofid.is

Athugasemdir

[G. Tómas Gunnarsson, 1.12.2020 kl. 19:59]

Líst vel á "line uppið".  Horfi ef ég verð vaknaður.

En "ástandið" er krefjandi fyrir þá sem vilja halda sér í formi og stunda íþróttir.  "Sófakartöflur" eins og ég eru þó ekki í teljandi vandræðum.

En einn kunningi minn hafði á orði að það gæti skapast skrýtið ástand þegar bólusetning fer að "kikka inn".  Þá yrðu liklega allir eins og "kýr að vori", hlaupandi og hoppandi út um allt.  Í verra formi en oft áður og jafnvel með "laskað" ónæmiskerfi eftir óhóflega spritt og grímunotkun svo mánuðum skipti og hafandi hitt sára fáa um langt skeið.

[Þorsteinn Siglaugsson, 1.12.2020 kl. 20:36]

Já, það verða margir sem kvefast. Og fá flensu. Og hjartaáfall. Og einhverjir hrökkva upp af.

[Magnús Sigurðsson, 1.12.2020 kl. 21:46]

Það er ekki glóra í að slaka á úr því sem komið er, það gæti einhver dáið. Og vilt þú bera ábyrgð á því Þorsteinn?

[Þorsteinn Siglaugsson, 2.12.2020 kl. 00:02]

Hann verður bara að fara í mál við mig þá, líkið 

[Þorsteinn Siglaugsson, 2.12.2020 kl. 11:24]

Af óviðráðanlegum ástæðum þurfum við því miður að fresta þessum fundi sem vera átti í dag.