Hverjar eru staðreyndirnar?

Hver er forsenda staðhæfingar um að veiran sé meira smitandi nú? Þetta er endurtekið í sífellu en engin rök eru færð fyrir því.

Hver er forsenda staðhæfingar um að sjúkdómurinn sé "verri" nú? Þetta er líka endurtekið í sífellu. Samt sem áður hafa tvöfalt fleiri smitast í síðari bylgjunni, en einungis einn hafði látist þegar vanhæfni og óstjórn á LSH varð til þess að veirunni var dreift óhindrað meðal elstu og veikustu einstaklinganna.

Sífellt er hamrað á því að spítalar séu að yfirfyllast af covid sjúklingum. Er hverjar eru staðreyndirnar? Frá upphafi faraldursins hafa 256 manns lagst á spítala með þessa pest. Samtals 40 manns hafa legið á gjörgæslu. Á síðasta ári voru innlagnir á sérgreinadeildir LSH samtals um 25 þúsund. Það er sumsé í raun og veru ekkert sérstakt álag á spítalann, innlagnirnar ekki nema 1% af heildarfjölda innlagna á síðasta ári. 

Svo er sífellt verið að skýra hitt og þetta með tilvísun í einhverjar greiningar sem eigi að sýna hvaðan hin og þessi veira sé upprunnin. Læknir sem þekkir þetta vel hefur sagt mér að þetta sé ekkert annað en ómarktækar tilgátur, engin áreiðanleg vísindi að baki.

Upplýsingaóreiðan á sér fyrst og fremst rót hjá Kára Stefánssyni, LSH og Landlæknisembættinu. Þaðan streymir hinn röklausi hræðsluáróður og órökstuddu og ósönnu staðhæfingar. 

 

Seinni bylgjan verri en mótefnið dofnar ekki hratt

Athugasemdir

[Þórdís Björk Sigurþórsdóttir, 1.11.2020 kl. 12:21]

Hann fær kannski síðar viðurnefnið Herra Flensa eins og Osterhaus:

https://thordisb.blog.is/blog/thordisb/entry/2256724/

[Magnús Sigurðsson, 1.11.2020 kl. 13:30]

Eins og ég hef bent á er þetta mest megins samsuða ranghugmynda og vúddúvísinda hrist saman í spákúlu og haninn spígsporar um skítahauginn.

[Þorsteinn Siglaugsson, 1.11.2020 kl. 13:32]

Haninn Óðinn eineygði 

[Sylvía , 1.11.2020 kl. 13:41]

Engin sönnun til fyrir tilvist vírusins. Enginn hefur fundið hann né getað sannað með Kochs postulates. Keisarinn er án fata. 

[Þorsteinn Siglaugsson, 1.11.2020 kl. 13:55]

Ég myndi nú ekki taka undir að veiran sé ekki til. Það er ýmislegt til sem við sjáum ekki.

En drepsótt er þetta svo sannarlega ekki, eins og í upphafi var haldið.

[Trausti Geir Jónasson (IP-tala skráð) 1.11.2020 kl. 14:25]

"Læknir sem þekkir þetta vel hefur sagt mér[...]"

Þetta þykir mér fyndin heimild.

[Þorsteinn Siglaugsson, 1.11.2020 kl. 14:48]

Þetta er ekki fyndin heimild Trausti, heldur raunveruleg heimild. En ég held nafni læknisins leyndu því íslenskir læknar óttast um framtíð sína láti þeir skoðanir sínar á þessu í ljósi opinberlega, ef þær eru ekki í samræmi við hina einu skoðun sem leyfileg er.

[Kristján Birnir Ívansson (IP-tala skráð) 1.11.2020 kl. 19:04]

Sæll, Þorsteinn það er eins og einn kaupmaður sagði í fréttum sjónvarps annað hvort á föstudaginn (30.10.2020) að á Laugardag (31.10.2020) að það fer ekki saman hljóð og mynd í málfutningi heilbryggðis yfirvalda og það þykir mér sorglegt heyra ef læknar þora ekki að segja hvernig staðan raunverulega er, held að það ætti að reyna að hvetja lækna sem eru ekki sammála því sem verið er að gera í sóttvarnarmálum að skrifa nafnlausar greinar þannig að skoðanir þeirra komi þá að minnsta kosti fram þó að þær verði þá eftir vill ekki raktar ril einstakra lækna. 

Ég hugsa þó það sé þá rétt hjá þer að á vesturlöndum hafi myndast alsherjar hysteria frá því að faraldurinn fyrst kom upp í Kína, miðað við ofsafenginn viðbrögð kínverja og það getur verið erfit að vinda ofan af þeirri vitleysu sem síðan hefur átt sér stað ég ætla ekki að segja að öll viðbrögð séu röng en það er ýmislegt sem betur fara.

[Þorsteinn Siglaugsson, 1.11.2020 kl. 21:31]

Veistu það Kristján, að læknar þora ekki að tjá sig. Ég veit að fjöldi lækna er algerlega á öndverðum meiði við yfirvöld, en þeir vita að ef þeir tjá sig verða þeir settir út af sakramentinu. Hér eru læknar nánast algerlega háðir ríkisvaldinu og því er þetta mjög skiljanlegt. Fyrir helgi var skurðlæknir sem hafði tjáð sig um þessi mál og safnað undirskriftum gegn lokunum framhaldsskóla rekinn úr starfi án skýringa. Ég veit ekki á hvaða vettvangi hægt er að birta nafnlausar greinar, en það er vitanlega hægt að kanna það hjá blöðunum, hvort slíkt er mögulegt. Ég skal kanna það.

[Sylvía , 2.11.2020 kl. 09:39]

Landlæknir hefur engin gögn sem sanna tilvis vírusins. Því þau gögn eru ekki til. 

Sæll (...)  

Við höfum engin frumgögn varðandi SARS-CoV-2, t.d. þau gögn er varða einangrun veirunnar og þá lífeðlisfræðilegu og sameindalíffræðilegu ástæður sem tengja veiruna við veirusjúkdóminn COVID-19.

 

Margvíslegar ritrýndar vísindagreinar hafa verið birtar á undanförnum mánuðum, ásamt samantektum fjölþjóðlegra stofna á borð við Sóttvarnastofnunar Evrópu og Alþjóða heilbrigðismálastofnunar. Ég ráðlegg þér að kynna þér þá þekkingu sem skapast hefur á SARS-CoV-2 veirunni á síðustu misserum. Fjölmörg vísindarit hafa gert efni tengt COVID-19 aðgengilegt almenningi að kostnaðarlausu. Dæmi um þessi vísindarit eru Nature, New England Journal of Medicine, The Lancet. Einnig hefur Alþjóða heilbrigðismálastofnun tekið saman hnattrænan gagnagrunn yfir útgefnar vísindagreinar um SARS-CoV-2. Þú getur nálgast gagnagrunninn hér: https://search.bvsalud.org/global-literature-on-novel-coronavirus-2019-ncov/

 

Kv.,

Kjartan Hreinn

aðstoðarmaður landlæknis