Teningnum kastað

Demókratar hafa nú kastað teningnum. Bréf Trumps og viðbrögðin við því sýna glöggt hvaða áhætta tekin er með þessu teningakasti, og hversu líklegt er að vopnið sé búmerang sem hittir árásarmennina sjálfa fyrir.

Hvað sem mönnum kann að finnast um Trump, er öllu bærilega skynsömu fólki, sem ekki hefur brenglaða dómgreind af hatri, ljóst, að ákærurnar standa á afar veikum grunni: Auðvelt er að skýra þær athafnir sem ákært er fyrir sem eðlilegar og sjálfsagðar. Þetta sést glöggt þegar bréf forsetans er lesið.

Að vissu leyti minnir þessi vegferð á Landsréttarmálið gegn Geir Haarde, sem allir sem þátt áttu skammast sín nú fyrir niður í tær. Munurinn er að athafnir Geirs fyrir hrun miðuðu ekki að því að afhjúpa spillingu og kúgunartilburði stjórnmálamanns, líkt og samskipti Trumps við forseta Úkraínu.

Söguleg atkvæðagreiðsla á morgun

Athugasemdir

[Sigurður I B Guðmundsson, 18.12.2019 kl. 10:09]

Mér finnst oft að Bandaríkjamenn séu sínir helstu óvinir hversu ótrúlegt sem það hljómar!

[Þorsteinn Siglaugsson, 18.12.2019 kl. 16:22]

Já, það má kannski segja það. Þetta er eitthvað svo örvæntingarfullt allt saman - og ég fer ekki ofan af þeirri samsæriskenningu, ef hægt er að tala um að einn maður geri samsæri með sjálfum sér, að Trump sjálfur hafi unnið að því á bak við tjöldin að nákvæmlega þetta gerðist. Því það verður svo sannarlega hann einn sem græðir eitthvað á öllu bröltinu.