Ég vissi ekki að það væri ...

... hlutverk seðlabankastjóra að standa í kjarasamningum.

Hlutverk seðlabanka er að beita stjórntækjum sínum til að halda verðbólgu í skefjum. Til þess þarf fólk sem kann að fara með þau stjórntæki. Skoðanir þess fólks á réttmæti launakrafna koma verkefninu ekkert við. Ekki frekar en skoðanir þess á skattamálum, bíltegundum eða hárgreiðslu.

En hjá sumum er hugsunin öll í graut. Eins og endranær.

Skipun Ásgeirs „hörmu­leg­ar frétt­ir“

Athugasemdir

[Jósef Smári Ásmundsson (IP-tala skráð) 26.7.2019 kl. 15:10]

Nei það er rétt. Hlutverk hans er allt annað. Ég þekki manninn ekkert svo ég ætla lítið að tjá mig um hvort þetta er rétti maðurinn í verkið. En aðkoma hans að hruninu gegnum Kaupþing mælir nú ekkert endilega með honum í starfið.

[Þorsteinn Siglaugsson, 27.7.2019 kl. 12:47]

Veit ekki hvað þú átt við með aðkomu hans að hruninu. Veit ekki annað en að Ásgeir hafi verið yfir greiningardeild Kaupþings. Hann tók ekki ákvarðanir um fjárfestingar eða lánveitingar.

[Jósef Smári Ásmundsson (IP-tala skráð) 27.7.2019 kl. 16:35]

Sem yfirmaður greiningardeildar Kaupþings hefði hann átt að gera sér grein fyrir í hvað stefndi hjá bankanum, ekki satt?

[Þorsteinn Siglaugsson, 30.7.2019 kl. 13:43]

Að sjálfsögðu hefði hann átt að gera sér grein fyrir að bankahrun væri yfirvofandi. Eins og allir aðrir sem störfuðu í fjármálageiranum. Þetta hlýtur að vera ómögulegt fólk allt saman fyrst það getur ekki spáð betur fyrir um slíka atburði. Það er nú eitthvað annað en allir þeir sem störfuðu ekki í bankageiranum, en tókst þó svo afspyrnu vel að spá fyrir um bankahrunið - reyndar ekki fyrr en eftir að það átti sér stað.