Sýnir hversu brenglaður málflutningurinn er

Málflutningur þeirra sem hamast gegn þriðja orkupakkanum gengur að stórum hluta út á að samþykkt hans auðveldi eða jafnvel tryggi að sæstrengur verði lagður milli Íslands og Evrópu. Eins og Arnar bendir á hefur möguleg skylda til að leyfa lagningu slíks strengs nákvæmlega ekkert með þriðja orkupakkann að gera - sé hún til staðar er hún þegar til staðar, einfaldlega vegna ákvæða í EES samningnum sjálfum.

Það eina sem breytist hvað þetta varðar er að fyrirvari um samþykki Alþingis gerir það örðugra, ekki auðveldara, að koma í gegn lagningu sæstrengs.

Þetta held ég að allir skilji sem vilja skilja það.

Fyrirvararnir hindra ekki málsókn

Athugasemdir

[Egill Vondi, 29.5.2019 kl. 01:32]

Ég sé ekki alveg hvernig þú lest þetta úr greinini. Þú segir:

Það eina sem breytist hvað þetta varðar er að fyrirvari um samþykki Alþingis gerir það örðugra, ekki auðveldara, að koma í gegn lagningu sæstrengs.

En í greinini stendur eftirfarandi:

Fyr­ir­var­ar sem stjórn­völd hyggj­ast gera ein­hliða vegna fyr­ir­hugaðrar inn­leiðing­ar þriðja orkupakka Evr­ópu­sam­bands­ins hér á landi í gegn­um EES-samn­ing­inn munu enga þýðingu hafa komi til þess að fjár­fest­ar vilji leggja sæ­streng á milli Íslands og Evr­ópu.

Greinin útskýrir síðan hvernig fyrirtæki geta farið í mál við Íslenska ríkið og sigrað í þeim málaferlum ef þau reyna að koma í veg fyrir þetta. Þetta er ekki það sama og að segja að fyrirvarar gerir það örðugara að leggja sæstreng.

Aukinheldur er ekki á dagskrá að leggja sæstreng hjá yfirvöldum, og það væri ekki á dagskrá hjá einkaaðilum nema að fallvötnin verði einkavædd.

[Þorsteinn Siglaugsson, 29.5.2019 kl. 08:15]

Það hlýtur nú að vera meira mál að þurfa fyrst að leita eftir samþykki þingsins, og síðan að standa í málaferlum, en að leggja einfaldlega sæstrenginn án þess að spyrja kóng eða prest. Þetta segir sig alveg sjálft.

Ég veit hins vegar ekki betur en að það sé einmitt á dagskrá hjá einkaaðilum (bresku fyrirtæki) að leggja sæstreng. Einkavæðing fallvatna virðist engin forsenda fyrir því.