Rökræður bannaðar

Það er illa komið fyrir fólki sem treystir sér svo illa til að rökstyðja skoðanir sínar að það þarf að banna rökræður, úthýsa allri skynsamlegri umræðu.

Það er áhugavert, en kannski ekki upplífgandi, að velta fyrir sér hugarheimi, og geðheilsu, einstaklinga sem safnast saman í afkimum internetsins til að níða niður annað fólk, að því er virðist einungis í þeim tilgangi að fá útrás fyrir eigin brenglun. 

Níða Jón Steinar á lokuðu vefsvæði

Athugasemdir

[Ásgrímur Hartmannsson, 19.10.2018 kl. 15:29]

Þetta er fyrir "konur" sko.

Flest kvenfólk sem ég þekki held ég læðist með veggjum ef það sér til þessara vitleysinga.

[Þorsteinn Siglaugsson, 19.10.2018 kl. 16:17]

Því er ég sammála. Og mér finnst það niðurlægjandi fyrir konur þegar látið er í veðri vaka að þær séu ekki færar um að hugsa rökrétt heldur séu bara einhverjar frussandi nautheimskar tilfinningasprengjur.

[Már Elíson, 19.10.2018 kl. 17:43]

Það kemur reyndar hvergi fram í þessu blaði eða hjá þeim sem styðja Jón Steinar, hvað veldur þessu meinta níði hjá viðkomandi hóp. - Hvað hefur hann (hópurinn)fyrir sér, og afhverju verður hann (Jón Steinar)fyrir "níði". - Meira að segja hann segir ekki frá því í drottningarviðtali á síðum mbl.is.

[Þorsteinn Siglaugsson, 19.10.2018 kl. 20:21]

Kemur það fram hjá þeim sem níða hann niður hver ástæðan er? Hefur Jón Steinar eitthvað til saka unnið sem réttlætir þetta framferði? Það hef ég ekki séð.

Og ég held að það sé satt að segja alger óþarfi að hafa gæsalappir utan um orðið níð í þessu tilfelli, Már Elísson.

Er ekki líklegast að þetta komi upp nú vegna þess að hann hefur tekið að sér að tala máli manns sem var hrakinn úr starfi sínu um daginn á vægast sagt vafasömum forsendum?