Hönnuð hálmstrá

Borgin er svo sannarlega ekki á neinu nástrái þegar hún getur keypt sérhönnuð og "höfundarréttarvarin" strá til að planta í kringum nýja fína braggann. Og stráin eru auðvitað mikilvægt tákn um slóðahátt meirihlutans við grasslátt - svona lítur bragginn einmitt út eins og aldrei sé slegið í kringum hann.

Svo tekur steininn úr þegar foringinn grípur það hálmstrá að þykjast koma af fjöllum og aldrei hafa vitað af sukkinu sem hann sjálfur ber alla ábyrgð á.

---------

Nú væri ráð að einhver dugandi garðyrkjumaður vippaði sér einhvern daginn út að bragga og snyrti aðeins til í kringum hann. Hann er nefnilega hálf draslaralegur með þennan punt upp við alla veggi.

„Allt skal upplýst“

Athugasemdir

[Ásgrímur Hartmannsson, 10.10.2018 kl. 20:41]

Þetta er mjög skoplegt mál - eins og rifið út úr Andrésblaði.

Designer gras, 46 milljón króna kamar, 10% af kostnaðinum er "eftirlit," allir smyrja hressilega á hvert verk og sum hreinn óþarfi.

Ef ég hefði samið þetta, þá myndu allir segja að þetta væri ótrúverðugt plott, og allar persónurnar væru fáráðlegar.

[Jón Steinar Ragnarsson, 11.10.2018 kl. 03:23]

Degi verður allt að óláni. Flestöll stráin stinga hann, stór og smá á jörðu. Eitt er aldrei rætt í þessari umræðu um þessa brjálæðislegu frammúrkeyrslu, en það er upphafleg áætlun upp á 160 milljónir til að flikka uppá þetta Braggahró sem hann skrifaði hlæjandi uppá. Braggi sem hefur ekkert af sínu upprunalega nema bogið bárujárnið. 

Svo gleymist svolítið að kikja innandyra, því þar er ekkert búið að gera. Allt berstrípað og það er yfirleytt dýrasti þátturinn í byggingu húsa.

Í þriðja lagi má spyrja sig hvaða tilefnið nauðsynin var af þessari endursmíði í borg sem er nanast gjaldþrota með gatnakerfi í rúst. 

Skítt að þetta skyldi ekki hafa komið upp fyrir kosningar. Og fróðlegt að vita um fleiri svona fjárfestingar, sem ég er handviss um að finnist.

[Jón Steinar Ragnarsson, 11.10.2018 kl. 03:38]

Dagur má eiga það að hann hefur nú fordæmt sjálfan sig opinbera og lýst því yfir að hann ætli sjálfur að rannsaka sjálfan sig innanfrá svo engir aðrir hlutlausir rannsakendur fari nú ekki að mistúlka brjálæðið.

Hvar sem væri annarstaðar hefði borgarstjóri stigið af stalli eða verið rekinn með skít og skömm.