Hvaða þingmaður?

Hvaða þingmaður ætlar nú að taka að sér að vera fyrstur til að bera upp tillögu um óháða úttekt á vinnubrögðum Hagstofunnar?

Eða er enginn á þingi sem hefur næga ábyrgðartilfinningu til að taka á þessu grafalvarlega máli þar sem gögn og útreikningar virðast meira og minna í einhverju rugli með þeim alvarlegu afleiðingum sem það hefur á alla ákvarðanatöku opinberra aðila og aðila vinnumarkaðarins?

Er þingmönnum alveg sama þótt hagtölur séu í vitleysu?

Eru þeir allir uppteknir af aukaatriðum sem engu máli skipta?

Er Helga Vala Helgadóttir orðin hin nýja allsherjarfyrirmynd þingmanna?

Furða sig á skýringum Hagstofunnar

Athugasemdir

[Guðmundur Ásgeirsson, 7.2.2018 kl. 12:47]

Það er í bígerð og þú munt sjá áður en langt um líður hver ætlar að hjóla í þetta kukl. Nú þegar hefur verið leitt í ljós að ekki eitt einasta verðtryggt lán er í raun innheimt miðað við umsamda vísitölu. Þetta gætu hugsanlega orðið kornin sem fylla mælinn þannig að jafnvel hörðustu varðhundar verðtryggingar verði gerðir afturreka.

[Þorsteinn Siglaugsson, 7.2.2018 kl. 18:59]

Ég bíð spenntur!