Hvers vegna liggur hreppsnefndinni á?

Það væri áhugavert að vita hvers vegna hreppsnefndinni liggur svo á að veita virkjanaleyfi. Ekki verður séð að nein störf skapist vegna þessa í hreppnum heldur bendir allt til að fólki muni halda áfram að fækka þótt virkjað verði. Það mat sem Sigurður Gísli leggur til gæti hins vegar vel fætt af sér verkefni sem skotið gætu stoðum undir búsetu á Ströndum. Asinn er því illskiljanlegur, eða er eitthvað sem við vitum ekki?

Vill kostamat á virkjun og verndun

Athugasemdir

[asbjkr (IP-tala skráð) 10.12.2017 kl. 17:53]

Það má kannski horfa til þess að sveitafélög hafa ýmsar tekjur af slíkum mannvirkjuum eins og fasteignagjöldum, á uppbyggingartímanum má búast við þörf fyrir alls konar þjónustu og svona mætti lengi telja.  Með uppbyggingu á svona mannvirkjum skapast líka oft þörf á ýmsum afleiddum störfum sem svo geta haft þörf á öðrum afleiddum störfum.  Slíkt hlítur að liggja í hlutarins eðli að sé hvati fyrir stjórnir sveitafélaga og ekki síst fámennra.

[Þorsteinn Siglaugsson, 10.12.2017 kl. 20:36]

Fasteignagjöld geta vissulega haft einhver áhrif. Afleidd störf verða hins vegar ekki til nema einhver grunnstörf séu þegar til, auk þess sem mjög vafasamt er að telja slík störf einhverri framkvæmd eða fjárfestingu til tekna yfirleitt, ef við gefum okkur grunnforsenduna um fullt atvinnustig, sem reynslan bendir til að sé rétt.