Aðgát skal höfð...

Það er sannarlega mikilvægt að kynferðisbrot liggi ekki í þagnargildi.

En þegar umræða um slíkt opnast, líkt og gerst hefur á undanförnum vikum, geta slæmir hlutir einnig gerst.

Þannig getur mannorð saklauss fólks verið eyðilagt með nafnlausum óhróðri.

Þeir sem litla dómgreind hafa geta látið glepjast af fárinu og ráðist gegn öðrum án minnsta raunverulega tilefnis.

Stundum fer svo að óvandaðir aðilar nýta sér umræðuna til að grýta aðra í valdabaráttu, og stundum kemur það grjót jafnvel úr glerhúsum.

Og gjarna er það fólkið sem vinnur af heilindum að hugsjónum sínum sem liggur best við höggi.

Allt þetta þarf að hafa í huga þegar yfir gengur "fár" eða "bylting" af þeim toga sem við höfum séð á síðustu vikum. Eins mikilvægt og það er að koma upp um alvarleg brot verður að forðast að þeir sem ekkert hafa til saka unnið verði dregnir á bálið líkt og í galdrabrennunum forðum, eða bara í Lúkasarmálinu margfræga.

 

Vilja ekki að Ragnar verði formaður

Athugasemdir

[Ruth (IP-tala skráð) 5.12.2017 kl. 14:19]

Mikið þykir mér þetta lágkúruleg og ósmekkleg rök hjá þessum kennurum. Ragnar kennir tveimur drengja minna og hann er einn af þeirra uppáhalds kennurum. Ragnar leggur sig framm af hugsjón og metnaði við að gera námsefnið lifandi, áhugavert og í tengslum við raunveruleikann. Ragnar valdi sjálfur að tala um þetta mál á sínum tíma og þegar því var lokið tjáði hann sig um málalok og bað um frið. Ragnar hefur hvorki verið ákærður, né hlotið dóm. Og mér þykir sorglegt hugarfar þessara kennara sem fréttin vitnar í. Ekki myndi ég vilja að þeir kenndu mínum börnum, svo mikið er víst. Tek undir orð þín Þorsteinn, ég er hjartanlega sammála.

[Þorsteinn Siglaugsson, 6.12.2017 kl. 23:55]

Takk fyrir það Ruth. Það sem mér sýnist vera þarna á ferðinni er annað hvort valdafíkn eða hreinræktuð heimska.