Rannsóknar er þörf

Eins og þekkt er hefur ríkið hingað til ekki riðið feitum hesti frá virkjanaframkvæmdum fyrir stóriðju. Orkusölusamningur vegna Kárahnjúka var langt undir raunverulegu kostnaðarverði svo dæmi sé nefnt.

Nú er virkjanagerðin í höndum einkaaðila sem ættu að vera færir um að tryggja sér viðunandi arðsemi af framkvæmdunum. Ríkið hefur þar enga ábyrgð.

En hvað um raforkuflutninginn, kostnað og fjárfestingar vegna hans? Er ekki nauðsynlegt að óháð rannsókn verði gerð á því hvort meðgjöfin hafi hugsanlega færst þangað, frá framkvæmdaaðilunum?

Vill þjóðgarð frekar en virkjun

Athugasemdir

[Pétur Guðmundsson (IP-tala skráð) 30.10.2017 kl. 21:33]

Af því að þú kynnir þig sem hagfræðing og rekstrarráðgjafa ætti þér að vera í  lófa lagið að reikna út hver kostnaður og tekjur verða af flutningi rafmagnsins.Landsnet hefur nefnilega tekjur af rafmagnsflutningi. Einnig væri skynsamlegt af þér að taka með í dæmið hver ávinningur fólksins sem á Vestfjörðum býr verður af þessari framkvæmd. Svo er líka rétt að benda ykkur, sem eru á móti virkjuninni á og gagnrýnið stöðugt að lítið sem ekkert fylgi framkvæmdinni á að öllum svona framkvæmdum fylgir bættar samgöngur og auknir möguleikar fyrir það fólk sem býr á svæðinu. Það mætti til dæmis benda á, vegna þess að það hefur verið gagnrýnt að ekki fylgi viirkjuninni nein föst störf, að ekki hefur Landsvirkjun komið með stóriðju eða neitt sem ekki tilheyrir sjálfum virkjununum. Það er annara að koma með slíkt. Það, að tækninni hefur fleygt svo fram að stöðug viðvera fólks er ekki lengur nauðsyn getur varla verið neikvæð. Rafmagnið skapar möguleiokana fyrir fólkið í landinu. Þannið skapar þessi virkjun moguleikana fyrir kalkþörungaverksmiðju í Súðavík, ef það fæst þá vegna mótsöðu ykkar þessara sjálfskipuðu sérvitringa , að leggja streng eða línur út Djúp og þá í leiðinni að hringtengja Vestfirði.

[Þorsteinn Siglaugsson, 30.10.2017 kl. 23:46]

Ég nefni aðeins að í ljósi sögunnar sé ekki úr vegi að rannsaka þetta. Ég hef ekki rannsakað það sjálfur. Ekki veit ég til þess að nein áform um hringtengingu Vestfjarða fylgi þessu og engin störf munu fylgja svo erfitt er að sjá hver ávinningurinn yrði fyrir íbúana.