"Sjúkur var ég og þér vitjuðuð mín ekki."

"Gestur var ég en þér hýstuð mig ekki."

 

Hættulega veikum börnum synjað um læknisþjónustu og send til lands þar sem vitað er að þau muni deyja langt fyrir aldur fram.

Ofsóttur fjölskyldufaðir hrakinn í greipar þeirra sem ætla sér að myrða hann.

Og leiguflugið pantað um miðja nótt, í skjóli myrkurs.

Hvað er hægt að segja um fólk sem gerir slíkt?

Það hlýtur nú að vera forgangsverkefni þings og ráðherra að hreinsa út úr Útlendingastofnun og ráða þangað fólk með sem hefur lágmarks siðferðiskennd, en skýlir sér ekki bak við mannfjandsamlegar reglur þegar lítið barn þarfnast miskunnar þess.

Það er verðugt verkefni og viðeigandi nú, á aðventunni.

Gleymir mannúð og mildi

Athugasemdir

[halkatla, 11.12.2015 kl. 22:02]

Þetta er rosalega óhugnanlegt.

[Anna Sigríður Guðmundsdóttir, 11.12.2015 kl. 22:48]

Hættulega veikum börnum komið í opinberlega reknum skóla/sjúkraþjónustu, og foreldri veitt vinna á Íslandi? Án landvistarleyfis fjölskyldunnar á lagalegum grundvelli til framtíðar?

M.b.kv.

[Wilhelm Emilsson, 11.12.2015 kl. 23:32]

Þú segir að þú hafnir dónalegum athugasemdum, en sakar starfsfólk Útlendingastofnunar um að hafa ekki "lágmarks siðferðiskennd" þrátt fyrir að þú viðurkennir að þessir starfsmenn séu að framfylgja núverandi reglum. Finnst þér þetta viðeigandi nú, á aðventunni? 

[Þorsteinn Siglaugsson, 11.12.2015 kl. 23:41]

Kíktu í orðabók, Wilhelm.

[Þorsteinn Siglaugsson, 11.12.2015 kl. 23:45]

Auk þess: Starfsmennirnir hafa svigrúm til að sýna mannúð, án þess að þurfa að brjóta reglurnar, en kjósa að gera það ekki. Slíkt er meira en ámælisvert.