Tilgangslausar þrengingar

Annað ágætt dæmi um afrek þessa fólks eru járnstautarnir sem reknir voru niður við gatnamót Hofsvallagötu og Hringbrautar fyrir ekki svo löngu síðan. Í stað þess að þeir sem koma norður Hofsvallagötu geti nú sveigt yfir á hægri akrein til að beygja austur Hringbraut er nú yfirleitt samfelld bílaröð frá Melabúðinni og að gatnamótunum á  álagstímum, með tilheyrandi töfum og mengun. Opinbera afsökunin mun vera sú að handan járnstautanna sé hálfköruð hjólabraut. Aldrei hef ég séð neinn hjóla þar og á þó leið þarna um á hverjum degi. Það breytir heldur engu fyrir hjólreiðamenn hvort þeir þurfi að fara upp á gangstéttina tíu metrum fyrr en ella, því á Hringbrautinni er auðvitað engin hjólabraut.

Það er ekki gott þegar einstaklingar haldnir ofsafenginni andúð á bifreiðum fá það hlutverk að skipuleggja samgöngur í borginni. Það á ekki að velja fólk til slíkra starfa sem er ófært um annað en reyna í sífellu að troða eigin skoðunum eða lífsstíl upp á samborgara sína. Þess háttar einstaklingar hafa ekki þroska til að fara með pólitíska ábyrgð.

„Ofbeldi“ gegn bílum

Athugasemdir

[Emil Hannes Valgeirsson, 15.1.2016 kl. 15:59]

Ég sé nú ekki tilganginn með fjórum akreinum á þessum hluta Grensásvegar.

[Kolbrún Hilmars, 15.1.2016 kl. 17:28]

Ekki aldeilis tilgangslaus þrenging þarna.  Staurarnir loka heilli akrein, svo eftir er aðeins ein; fyrir hægri beygju, beint áfram og vinstri beygju af Hofsvallagötu í norðurátt. 
Afleiðingin er augljós; umferðarstífla sem blæs "heilnæmum" útblæstri að íbúum nágrennisins sem eru varnarlausir heima hjá sér.  Hjólandi hafa svo vit á því að halda sig á gangstéttinni og geta forðað sér - eíns og áður.

[Þorsteinn Siglaugsson, 16.1.2016 kl. 12:20]

Málið snýst ekki um að ákveða hvort þarna eigi að vera fjórar eða tvær akgreinar, Emil. Það snýst um hvort eyða eigi tvö hundruð milljónum í að þrengja götuna án þess að það þjóni neinu öðru markmiði en duttlungum tiltekinna borgarfulltrúa.