Hversu margir hafa verið myrtir?

Við vitum ekki hversu margir þeirra sem teknir hafa verið af lífi voru í raun myrtir. Sá yngsti sem vitað er um, George Stinney, var 14 ára þegar hann var myrtur af yfirvöldum. Hann var svo lítill að morðingjarnir þurftu að setja undir hann biblíu í rafmagnsstólnum svo murka mætti lífið úr saklausu barninu.

Það er í rauninni fáránlegt að dauðarefsingar njóti þess stuðnings sem þær gera. Hverjum heilvita manni er auðvitað ljóst að útilokað er að koma í veg fyrir að saklaust fólk sé tekið af lífi. Því samþykkja stuðningsmenn dauðarefsinga morð á saklausu fólki (þeir þeirra sem ekki eru raunverulega svo skyni skroppnir að þeir haldi að réttarkerfið sé fullkomið). Um leið nugga margir þeirra sér af mikilli elju utan í Krist.

154 ranglega dæmdir til dauða

Athugasemdir

[Arnar H. (IP-tala skráð) 30.6.2015 kl. 00:24]

Þú ert eitthvað misskilja þetta..

Fæstir af þessum 154 hafa verið saklausir. Þessi frétt og sér í lagi fyrirsögnin er hrikalega röng, og það í mörgum lögum.

..en það er svo sem ekkert nýtt í íslenskum fjölmiðlum...

[Þorsteinn Siglaugsson, 30.6.2015 kl. 18:22]

Exoneration heitir það á ensku. Það merkir sýknun. Menn eru sýknaðir vegna þess að þeir eru saklausir. Samtals eru þeir 154.