Breytir auðvitað öllu

Það breytir auðvitað öllu þegar farið verður að gefa einkunnir í bókstöfum í stað tölustafa. Og vitanlega liggur alveg í augum uppi að þessi breyting verður til að stórauka samræmi í einkunnagjöf. 

Það verður í rauninni ekki lengur nein þörf á samræmdum prófum - það nægir að nota bara samskonar tákn og notuð eru í samræmdum prófum. Þá líta ósamræmdu prófin út fyrir að vera samræmd og allir verða ánægðir.

Að síðustu skora ég á ráðuneytið að upplýsa um fjölda vinnustunda og kostnað sem liggur að baki þessari stórmerku og stefnumarkandi ákvörðun.

Einkunnir verða gefnar í bókstöfum

Athugasemdir

[Kristbjörn Árnason, 28.6.2015 kl. 17:27]

sjaldan er ég sammála þér Þorsteinn, en nú er ég það svo sannarlega. Bókstafirnir gefa ekkert meiri möguleika með einkunnargjöf en tölustafir. Það er ekki erfiðara að búa til skilgreiningar á bak við tölustafi nema hvað þeir gefa miklu meiri möguleika en bókstafir. 

En á bak við allar einkunnir eru alltaf einhverjar tölulegar stærðir og enn hef ég ekki séð töflureiknir sem notar bókstafi. Þannig að innan tíar mun þessu verða breytt aftur.