Hvílíkt dómadags bull!

Áratugum saman hefur RÚV verið fjármagnað með skattfé að mestu. Áður hét skatturinn afnotagjald. Það nægði yfirleitt ekki fyrir rekstrinum og því þurfti að fjármagna það sem út af stóð með öðru fé. Svo var þessu breytt og skatturinn hækkaður og þá bregður svo við að hann er hærri en á þarf að halda.

Framlag til RÚV er ákvarðað af stjórnvöldum. Ef það þarf að skera niður er það einfaldlega gert. En að það hafi einhver áhrif á "ritstjórnarlegt sjálfstæði" stofnunarinnar hvort skorið er niður með því að lækka skattinn eða nýta hluta hans til annarra þarfa er auðvitað tómt bull. Ef stjórnarmenn trúa því í alvöru ættu þeir að íhuga afsögn.

Vegur að ritstjórnarlegu sjálfstæði RÚV

Athugasemdir

[þórarinn (IP-tala skráð) 28.1.2011 kl. 19:18]

lestu þetta aðeins yfir aftur. það er verið að tala um það að féð sem rakað er saman með núverandi skatti rennur ekki allur til rúv eins og eðlilegt ætti að vera. með þessu móti skerðast auðvitað tekjur rúv og þannig verður rúv háðari ríkinu og það er það sem verið er að benda á, ekkert annað. þegar afnotagjöldin voru þá fóru þau öll inn í rúv, þar liggur munurinn.

[Þorsteinn Siglaugsson, 31.1.2011 kl. 23:02]

Það er enginn munur, það er nú það sem ég er að benda á. Hvort sem skatturinn er kallaður tekjuskattur, afnotagjöld eða eitthvað annað er það ákvörðun stjórnvalda hve háar tekjur RÚV eiga að vera. Í stað þess að taka hluta afnotagjaldanna til annarra nota hefði eins verið hægt að lækka þau en hækka einhvern annan skatt á móti.