Þarf ekki að vígbúa Hamas?

Enn og aftur keyra stríðsglæpir Ísraelsmanna um þverbak. Ekki í fyrsta sinn og vafalaust ekki heldur í síðasta sinn.

Enn og aftur skáka þeir í því skjóli að tekist hefur að telja stórum hluta Vesturlandabúa trú um það, að sá munur sé á þeim og Hamas, að Hamas séu hryðjuverkamenn en Ísraelsstjórn ekki.

Enn og aftur byggja þeir á stuðningi sem grundvallast á því einu að um allan heim er til nægilegur fjöldi heimskingja sem óttast og hata þá sem eru ólíkir þeim, en styðja sjálfkrafa þá sem þeir halda að svipi til sín.

Svo lengi sem Ísrael stafar engin raunveruleg ógn af andstæðingum sínum heldur yfirgangurinn áfram, mannréttindabrotin, fjöldamorðin, sem þetta rasíska ríki virðist grundvalla tilveru sína á. Væru Palestínumenn hins vegar vel vopnum búnir og gætu svarað árásunum af fullum þunga, kynni þá ekki að vera að Ísrael veigraði sér frekar við því að ráðast gegn þeim? Ógnarjafnvægi dugði Evrópubúum frá lokum síðari heimsstyrjaldar og þar til Sovétríkin hrundu. Því skyldi það ekki gagnast þarna líka? Þarf ekki að vígbúa Hamas?

Sprengdu hús fullt af fólki

Athugasemdir

[Egill Helgason (IP-tala skráð) 9.1.2009 kl. 10:32]

Þetta eru mjög góð rök, það þarf að koma á einhverju vitrænu jafnvægi þarna á milli með því annaðhvort að afvopna Ísraela eða sjá til þess að Palestínumenn geti varið sig.  Ísraelar eiga t.d. eftir að hugsa sig um tvisvar eða þrisvar áður en þeir ráðast t.d. á Hisbolla í Líbanon að nýju, því þar var þeim amk að finna fyrir menn sem gátu varið sig.

[Margrét (IP-tala skráð) 9.1.2009 kl. 10:48]

Það er ótrúlegt hvað gyðingar gráta og fá samúð heimsins vegna Helfararinnar (sem að sjálfsögðu var skelfileg) og gera svo öðru fólki það sama og þeim var gert.  Það vantar bara gasklefana.  En þetta er víst hringrásin; fórnarlömb verða gerendur.

[Sigurþór Heimisson (IP-tala skráð) 9.1.2009 kl. 12:58]

Er það ekki þekkt úr sálarfræðinni að þolendur ofbeldis verða oft gerendur þegar frá líður? Barnaníðingar hafa sjálfir verið misnotaðir í æsku. Ísraelsmenn eru bara að viðhalda vítahringnum. Með framferði sínu eru þeir að réttlæta framkomu Nasista í Warsjá og öðrum útrýmingarbúðum.

[ThoR-E, 9.1.2009 kl. 13:08]

Tek undir með Laissez-faire.

Þvílík vanþekking  á málinu.

Held að óhætt sé að segja að ef Hamas hefðu sömu vopn og Ísrael.. að þá væri ekkert til sem héti Ísrael. Það væri búið að þurrka þá út af kortinu... sem einmitt er á stefnuskrá Hamas.

En! það breytir því ekki að það sem Ísrael er að gera á Gaza núna... það réttlæti ég ekki. 

Mannfallið meðal óbreyttra borgara er of mikið. Maður getur skilið að Ísrael berjist á móti Hamas.. en ... þetta er ... ... ástandið á Gaza núna.. er bara sorglegt. Konur og börn drepin.. það er erfitt að réttlæta svona..

[Þorsteinn Siglaugsson, 9.1.2009 kl. 14:09]

Ég held að athugasemdir Laissez-Faire og Ace séu einmitt dæmi um hvernig fer þegar fólk lætur stjórnast af fordómum í stað skynsemi. Þótt Hamas viðurkenni ekki Ísraelsríki merkir það ekki að jafnari staða aðilanna gæti ekki leitt af sér jafnvægi. Þess utan segir það sig sjálft að ef aðilar standa jafnir að vígi getur hvorugur útrýmt hinum. Framferði Ísraelsmanna sýnir hins vegar greinilega að ætlun þeirra er að hrekja alla Palestínumenn frá svæðinu. Sú hugmyndafræði byggir á ofstæki, líklega enn meira ofstæki en er að finna hjá slíkum aðilum í hópi múslima.

[Þorsteinn Siglaugsson, 9.1.2009 kl. 14:13]

Ég held að athugasemdir Laissez-Faire og Ace séu einmitt dæmi um hvernig fer þegar fólk lætur stjórnast af fordómum í stað skynsemi. Þótt Hamas viðurkenni ekki Ísraelsríki merkir það ekki að jafnari staða aðilanna gæti ekki leitt af sér jafnvægi. Þess utan segir það sig sjálft að ef aðilar standa jafnir að vígi getur hvorugur útrýmt hinum. Framferði Ísraelsmanna sýnir hins vegar greinilega að ætlun þeirra er að hrekja alla Palestínumenn frá svæðinu. Sú hugmyndafræði byggir á ofstæki, líklega enn meira ofstæki en er að finna hjá múslimum.

[Hans Haraldsson (IP-tala skráð) 9.1.2009 kl. 23:56]

Jú Þorsteinn. Ef báðar fylkingarnar eru gráar fyrir járnum og jafnvígar og önnur er skipuð snarbrjáluðum dauðadýrkendum og trúarofstækismönnum þá er það ávísun á útrýmingu beggja.

[Hans Haraldsson (IP-tala skráð) 10.1.2009 kl. 00:01]

Burtséð frá því hvað mönnum þykir um aðgerðir Ísraelsmanna þá er það staðreynd að það voru Hamasliðar sem byrjuðu að skjóta á Ísrael og bundu enda á vopnahléið vitandi hverskonar viðbragð það myndi framkalla hjá Ísraelum.

Myndir þú segja að þetta bendi til þess að ógnarjafnvægið þitt sé líklegt til að stuðla að friði?

[Þorsteinn Siglaugsson, 13.1.2009 kl. 22:24]

Ég hef engu við að bæta, enda tjóir ekki að deila við þá sem eru bersýnilega blindaðir af eigin fordómum. Nefni þó að það hlýtur að vera ljós í myrkri kreppunnar ef íslenskir fjölmiðlar hafa svo mikil áhrif að þeim takist að blekkja Sameinuðu þjóðirnar, mannréttindanefnd Evrópu, Rauða krossinn og raunar flestallt réttsýnt fólk í veröldinni, samtímis.

[ThoR-E, 14.1.2009 kl. 13:25]

Ég tel ekki að Laizzez-Faire sé blindaður af eigin fordómum. Langt frá því. Hann hefur samt ákveðið að líta á málin frá báðum hliðum. Ekki bara líta á hvað Ísraelar eru vondir og hvað þeir hafa drepið marga. Heldur veltir hann fyrir sér AFHVERJU Ísraelar eru að ráðast inn á Gaza núna. Hver er ástæðan. Hvað gerðu Hamasliðar Ísraelum til að þeir síðarnefndu ákváðu að fara í þessar aðgerðir.

Ég ráðlegg þér að gera það sama Þorsteinn.

Vissulega finnur maður til með saklausu fólki sem látið hefur lífið á Gaza. En afhverju falla svona margir saklausir borgarar? Er það vegna þess að Ísraelar eru miskunnarlausir óþokkar? Eða er önnur ástæða fyrir því.

Gæti það verið vegna þess að Hamasliðar nota saklausa borgara, konur og börn sem mannlega skildi (human shields)? Gæti það verið vegna þess að Hamasliðar fela vopnabyrgðir sínar nálægt saklausum borgurum t.d nálægt moskum, spítulum eða skólum. - Eða gæti það verið vegna þess að Hamasliðar skjóta flugskeytum á Ísrael og forða sér síðan meðal óbreyttra borgara.

Ég er ekki með svar við þessu... en í svona málum er gott að líta á deilurnar frá báðum hliðum.

Ég persónulega fordæmi dráp á saklausum borgurum og tel að Ísraelsher ætti að hörfa út úr Gaza. Síðan ættu þeir að skila til baka hernmdum svæðum til Palestínumanna.

En það gerist ekki nema Hamas hætti að skjóta eldflaugum á Ísrael. Hamas hefur tilkynnt að svo verði ekki nema Ísrael fari út úr Gaza.. þannig að málin eru í hnút.

En þrátt fyrir mína persónulegu skoðun tel ég það áríðandi að skoða svona mál frá báðum hliðum.

Bestu kveðjur