Tapið staðfest! Hver ber ábyrgðina?

Nú er ljóst að kostnaður við byggingu Kárahnjúkavirkjunar er þegar kominn 5-6% fram úr áætlun. Sé þeirri tölu bætt við upphaflega kostnaðaráætlun liggur því ljóst fyrir að sú 5-6 milljarða arðsemi sem að var stefnt er horfin. Með öðrum orðum er verðmæti eignarhlutar Landsvirkjunar ekkert þegar kostnaður hefur verið dreginn frá! Þá er samt gengið út frá því að skattgreiðendur borgi stóran hluta lánsfjárvaxtanna!

Þegar við bætist að orkusala hefur tafist umtalsvert er orðið ljóst að jafnvel þótt áhættan sé í boði skattgreiðenda er ávinningur Landsvirkjunar af framkvæmdinni þegar orðinn neikvæður miðað við upphaflega kostnaðaráætlun.

Nú er spurningin sú hver verður dreginn til ábyrgðar í þessu máli. Verður það yfirstjórn Landsvirkjunar? Verða það þeir þingmenn og ráðherrar sem að málinu stóðu eða verður það eigendanefndin sem lét sig hafa það að staðfesta útreikninga og forsendur Landsvirkjunar vitandi að þær væru fræðilega rangar?

Eða verður kannski enginn dreginn til ábyrgðar?

Kárahnjúkavirkjun 5 til 6% yfir áætlun

Athugasemdir

[Lárus Vilhjálmsson, 1.12.2007 kl. 21:38]

Því miður er ég hræddur um  Þorsteinn að engin verði dreginn til abyrgðar. Vertu viss um að Landsvirkjun mun halda því fram í rauðann dauðann að það sé bullandi arðsemi af virkjuninni svo lengi sem engin fær að sjá bækurnar hjá þeim. Það verður ekki fyrr en það verður aflétt hinni fráleitu viðskiptaleynd af orkuverði og reikningar Landsvirkjunar verða opnir öllum sem hægt verður að draga menn til ábyrgðar.