Dæmir sig sjálft

Þessi vefur sem margir hafa verið að hneykslast á undanfarið ber þess vissulega merki að aðstandendur hans eru mjög skyni skroppnir og skoðanirnar sem þeir lýsa í fullu samræmi við það.

Það er skiljanlegt að eðlilegu fólki ofbjóði sorinn sem þarna er birtur. Við megum samt ekki blindast af því og hvetja til þess að vefnum verði lokað bara af því að hann fer í taugarnar á okkur. Til að grípa til slíkra ráða hlýtur að þurfa meira til, til dæmis að miðillinn sé notaður til að hvetja til ofbeldisverka eða annars konar lögbrota. En heimska ein og sér getur varla nægt til að hefta málfrelsi fólks.

Rannsókn hafin á kynþáttanetsíðu

Athugasemdir

[Hans Haraldsson (IP-tala skráð) 15.11.2007 kl. 08:53]

Samkvæmt íslenskum lögum er heimskan nóg. Það er bannað að rægja fólk á grundvelli kynþáttar, upprunna, kynhneigðar og trúarbragða. Það er líka ýmislegt annað sem er bannað að segja hérna á Íslandi.

[Þorsteinn Siglaugsson, 15.11.2007 kl. 09:02]

Þetta er athyglivert. En ætli sé þá ekki líka bannað að rægja fólk á grundvelli skoðana? Eða hafa t.d. trúaðir veiðileyfi á trúleysingja, en ekki öfugt?

[Hans Haraldsson (IP-tala skráð) 15.11.2007 kl. 15:12]

Það þarf að vera rógur eða hatursmálflutningur. Hinsvegar er guðlast líka bannað (og Spaugstofumenn voru dæmdir eftir því ákvæði fyrir ekki svo löngu).