Úthýst á jólum fyrr og nú

Fæddi hún þá son sinn frumgetinn, vafði hann reifum og lagði hann í jötu af því að eigi var rúm fyrir þau í gistihúsinu. (Lúk.2.7)

 

Mismunun fólks eftir því hvort það hefur kosið að þiggja bóluefni við Covid-19 eða ekki tekur sífellt á sig nýjar myndir.

Skammt er síðan ungum verðandi föður var meinað að vera viðstaddur fæðingu barns síns á Landspítalanum. Ástæðan var sú að foreldrarnir höfðu hvorugt þegið þriðja skammt efnisins, því aukaverkanir hinna fyrri voru svo alvarlegar að móðirin óttaðist um líf og heilsu ófædds barns síns.

Nú bregður svo við að yfir jólin er fólki sem ekki hefur þegið bóluefnin verið meinað að heimsækja ástvini á Landspítalanum. Líkt og meðfylgjandi mynd sýnir er þó enginn munur á smitum meðal þiggjenda lyfjameðferðarinnar og annarra og þar með bersýnilegt að engu minni líkur eru á að þiggjendurnir smiti aðra af pestinni.

Tilgangur þessara reglna getur því ekki verið sá að draga úr hættu á að gestir smiti sjúklinga á spítalanum. Líklegra er að tilgangurinn sé sá að þvinga þá sem ekki hafa þegið meðferðina til að þiggja hana. Vafalaust hafa þeir sem þær settu þær sérstaklega í huga það markmið að þvinga ung börn til að þiggja þessa meðferð, sem er þeim alveg gagnslaus, en áhættusöm, enda eru 75 sinnum hærri líkur á aukaverkunum vegna hennar en hefðbundinna bólusetninga við inflúensu.

Það er vel til fundið hjá stjórnendum spítalans að setja slíkar reglur á jólunum, fæðingarhátíð Jesú Krists, sem fæddist í fjárhúsi því foreldrum hans var úthýst úr gistihúsi. Þessi ákvörðun þeirra ber nefnilega svo glöggan vott um það siðferðilega gjaldþrot sem hræðsluáróðurinn og sefjunin undanfarin misseri hefur leitt af sér.

Athugasemdir

[Sigurður Kristján Hjaltested, 26.12.2021 kl. 14:44]

Snilldarpistill og sorglega sannur.

[Magnús Sigurðsson, 26.12.2021 kl. 15:41]

Hjálpræðisherinn þurfti að vísa 300 manns sem höfðu skráð sig í jólamat fyrir þessi jól frá vegna sóttvarnareglna. Af þeim eru 150 börn. Hvar ætli þau hafi verið um jólin? Á sama tíma voru undanþágur veittar svo efri-millistétt landsins kæmist á jólatónleika og á Jómfrúna í Þorláksmessutradissjón. Ekkert að því. Dauðlangaði sjálfum á Jommuna. En mig langaði meira að börnin fengju að borða.

Frá því fyrsta smitið kom upp hafa svo á bilinu 80 til 90 framið sjálfsmorð, langflest þeirra yngri en 45 ára (skv. bráðabirgðatölum Landlæknis), en 37 dáið úr Covid, langflest eldri en 70 ára. Aftur og aftur er traðkað á rétti barna til þess að stunda sitt nám til að margbólusettir kennarar smitist ekki af einhverju sem er einfaldlega ekki hættulegt að fá, Covid.

Samfélag sem fórnar lífum, líkamlegri og andlegri heilsu ungmenna fyrir hagsmuni (mjög) fullorðins fólks er sjúkt. Virkilega sjúkt. Samfélag sem fórnar hagsmunum þeirra sem þurfa að sækja í félagsskap og mataraðstoð Hjálpræðishersins á altari sóttvarna en er til í að sjá í gegnum fingur sér þegar kemur að klístruðum jólatónleikum, enda neyðin ekki það mikil, er sjúkt.

Ég spurði aðstoðarmann Landlæknis hvers vegna ekki lægi fyrir fjöldi sjálfsmorða nema fyrir fyrri helming árs, og það „bráðabirgðatölur.“ Nú, það er vegna skorts á réttarmeinafræðingum. Það er samt hægt að greina hvert einasta covid smit ofan í kjölinn, raðgreina í ræmur og elta hvar þúsundir manna hafa hóstað, hnerrað og heilsast marga daga aftur í tímann. En það er ekki hægt að taka saman hversu margir tóku eigið líf í þessu landi síðustu sex mánuði. Það er sjúkt.

Að ekki sé hægt að fjármagna geðheilbrigðispakkann almennilega þegar 2% af kostnaðinum við Covid myndu duga, er sjúkt.

Stefna íslenskra heilbrigðisyfirvalda er helsjúk.

https://www.facebook.com/heimirhann/posts/10158969781243655

Þennan pistil setti ungur maður á facebook hann segir ýmislegt upp kerfið.

[Þorsteinn Siglaugsson, 26.12.2021 kl. 16:26]

Fátækir skipta engu máli.

Börn skipta engu máli: Við lifum nýja öld Móloks, eirguðsins sem krafðist barnsfórna á tímum Gamla-Testamentisins.

Fólkið sem örmagnast og tekur líf sitt skiptir engu máli heldur.

Það eina sem skiptir máli er að næra eigin ótta og viðhalda sefjuninni. Og auðvitað að hafa það þægilegt sjálfur.

[Guðmundur Ásgeirsson, 26.12.2021 kl. 22:27]

Hvernig veit starfsfólk Landspítalans hvaða heimsóknargestir eru sprautaðir og hverjir ekki? (Þar sem slíkar upplýsingar eru einkamál og teljast til viðkvæmra persónuupplýsinga.)

[Guðmundur Jónsson, 27.12.2021 kl. 10:26]

Vel skrifað Þorsteinn.

Ég held að markmið þeirra íslendinga sem tala fyrir sprautunum eins og Kára og Þórólfs hafi í upphafi verið í sett "góðri" trú. 

þeir eru samt klárleg ekki nógu heimskir til að sjá ekki stóru myndina núna, sprauturnar eru að gera eitthvað allt annað en þeir bjúggust við og augljósleg ekki hollar heilsu fólks.  Í dag held ég að þeirra tilgangur með að sprauta helst alla sé að bara reyna að minka eða þurrka út samanburðarhópinn. Það vill til, að þetta er það sem verðirnir í Auschwitz gerðu á lokametrum helfarinnar.

[Bragi Sigurðsson (IP-tala skráð) 27.12.2021 kl. 13:22]

Guðmundur Ásgeirson; já það skiptir máli að fá svar við þessari spurningu. Það hlýtur semsagt að vera gagnagrunnur um stöðu einstaklinga er gagnvart sprautunum. Ég veit til dæmis um mann sem var neitað um vitjun frá læknavaktinni af því að þau sögðu hann ekki hafa farið í örvunarsprautuna.  

[Ari Tryggvason, 27.12.2021 kl. 16:52]

Fæðing Jesú Krists í fjárhúsinu vegna úthýsingar Maríu og Jósefs úr gistihúsi og réttindabrot gegn fólki sem hefur ekki þegið örvunarsprautu þrátt fyrir fulla bóluesetningu að örðu leyti er snilldarsamanburður. Úthýsing fólks frá velgjörðum Hjálpræðishersins af sömu ástæðu; öfga sóttvarnaraðgerðum, vita gagnslausum og úr öllum tengslum við viðurkennd faraldsfræði-vísindi fram að þessu. Farsótta-öfga-ofbeldi er orðið yfirgengilegt.