Hátt hlutfall

Miðað við að búið sé að bólusetja fimm þúsund samtals, þar af um þúsund heilbrigðisstarfsmenn, þá er þetta ansi hátt hlutfall dauðsfalla meðal fjögur þúsund gamalmenna. Ég veit ekki til þess að venjulegri bólusetningu við inflúensu fylgi nánast eitt dauðsfall á hverja þúsund, enda væri þá tæpast verið að standa í henni, því dánarhlutfall flensunnar sjálfrar er einn af hverjum þúsund.

Eflaust getur orðið erfitt að greina nákvæmlega bein tengsl milli dauðsfallanna og bólusetningarinnar, en vísbendingin er því miður sterk. Það sem breyttist hjá fólkinu var að það var bólusett, og svo dó það.

Þetta kemur þó ekki á óvart ef höfð er hliðsjón af alvarleika og hárri tíðni aukaverkana af þessari glænýju tegund bóluefnis. Og svo er seinni skammturinn eftir, en aukaverkanir af honum munu að sögn vera alvarlegri en af þeim fyrri.

Áhugavert væri að vita hvernig þetta er í öðrum löndum og eiginlega svolítið skrýtið að fréttir af því hafi ekki enn borist, til dæmis frá Bretlandi, Bandaríkjunum og Ísrael, þar sem búið er að bólusetja umtalsverðan fjölda fólks.

Þetta er enn ein röksemdin fyrir því að skynsamlegra væri að verja hina öldruðu og láta pestina ganga sem hraðast yfir.

 

 

Þrír nú látist eftir bólusetningu hér á landi

Athugasemdir

[Guðmundur Ásgeirsson, 4.1.2021 kl. 19:06]

Hvern hefði grunað að eitthvað gæti farið úrskeiðis þegar hraðsoðnu lítið prófuðu erfðabreytingameðali sem veldur sjálfsofnæmisviðbrögðum yrði sprautað í lasburða gamalmenni?

[Þorsteinn Siglaugsson, 4.1.2021 kl. 19:25]

Okkur grunaði þetta að minnsta kosti Guðmundur. En mér skilst að 92% þjóðarinnar hafi ekki grunað neitt. Og svo verður þetta þaggað einhvern veginn niður spái ég. En ef ég væri ellibelgur myndi ég nú loka mig enn þéttar af og bíða enn lengur, og óska þess að eðlilegum aðferðum hefði verið beitt og ég getað látið duga að loka mig af í 3-4 mánuði meðan pestin hefði gengið yfir.

[Sigurður I B Guðmundsson, 4.1.2021 kl. 19:25]

Var þetta "efni" ekki athugað á eldri borgurum (í mismunandi ástandi) áður en það var samþykkt???

[Þorsteinn Siglaugsson, 4.1.2021 kl. 19:36]

Það var einhver hluti yfir 65 ára aldri, en Pfizer efnið var held ég prófað á 45.000 manns. Hér er búið að bólusetja 5000 og þegar eru þrír látnir, bara eftir fyrri skammtinn.

[Ásgrímur Hartmannsson, 4.1.2021 kl. 20:28]

Líklegasta skýringin: þetta var allt mjög gamalt fólk.  Gamalt fólk, eðli málsins samkvæmt, á ekkert langt eftir ólifað.

(Gaman til þess að hugsa í því samhengi að flestir (allir?) sem dóu úr Kínaveirunni voru mjög gamlir... hux.)

Ef efnið heldur áfram að drepa (ekki staðerynt ennþá, sjá efstu línu) þá getum við reiknað, gefnar þessar forsendur, að það drepi 40 af þessum ~200.000 sem fá það.

Virðist ekki þess virði...

En... bíðum og sjáum.

[Ásgrímur Hartmannsson, 4.1.2021 kl. 20:29]

Nei, afsakið, reiknivilla, það verða 120 dauðsföll.

Úps.

[Þorsteinn Siglaugsson, 4.1.2021 kl. 20:53]

120 dauðsföll er um það bil tvöfalt það sem yrði ef Barrington leiðin hefði verið farin og tekist að 80% að verja viðkvæmustu hópana.

[Alexander (IP-tala skráð) 4.1.2021 kl. 22:08]

Þetta er ekki hátt hlutfall.

Líkurnar á því að manneskja, sem orðin er 85 ára, deyi innan árs eru um 15%. Hér er ekki átt við sem afleiðingar bóluefnis, faraldurs eða nokkurs annars. Bara hefðbundnar líkur á því að manneskja í þessum aldursflokki deyi.

Líkurnar á því að hún deyi á næstu sjö dögum eru því sirka 0,3% (1-0.85^(1/52). Það þýðir að ef þú ert með þúsund manns eldri en 85 ára þá verða, að meðtaltali, um þrír látnir eftir viku.

Þetta eru auðvitað ónákvæmir servíettuútreikningar og ég þekki ekki nákvæma aldurssamsetningu bóluefnisþega úr flokki eldri borgara. En þetta gefur samt ágætis mynd á það að það er ekki óeðlilegt að gamalt fólk deyi.

Vitaskuld er mikilvægt að halda utan um andlát í kjölfar bólusetningar og rannsaka hugsanleg orsakatengsl, og ég sé ekki betur en að það verði gert. En þessar fréttir, einar og sér, ættu hvorki að auka né draga úr tiltrú fólks á bóluefninu.

[Þorsteinn Siglaugsson, 4.1.2021 kl. 22:57]

Þetta er tilkynnt sem aukaverkanir bólusetningar. Og það er ástæðan fyrir því að það á að rannsaka það. Auðvitað er ekki óeðlilegt að gamalt fólk deyi, en það þarf heldur ekki að koma á óvart að veikburða fólk deyi vegna bólusetningar með efni sem ekki hefur einu sinni verið prófað á slíkum einstaklingum.

[Þorsteinn Siglaugsson, 4.1.2021 kl. 23:09]

Auk þess: Það hefur ekki komið fram hversu mörg dauðsföll urðu í heildina meðal þessa hóps í síðustu viku. Ef þau voru þrjú er það eitthvað sem búast mátti við miðað við meðaltal. En það hefur ekkert komið fram um hvort þau voru þrjú eða fleiri eða færri. Því er ekki hægt að álykta að þetta liggi ljóst fyrir. 

[Alexander (IP-tala skráð) 5.1.2021 kl. 10:10]

Sæll aftur. Það er nefnilega einmitt þannig að andlátin þrjú eru þau einu úr hópi bólusettra. Öll andlát, sem og heilsukvillar þeirra sem fara í bólusetningu, eru rannsökuð. Mér sýnist við því sammála um að þetta sé eitthvað sem búast mátti við.

[Þorsteinn Siglaugsson, 5.1.2021 kl. 10:23]

Áhyggjuefnið er að það er talað um að þessi rannsókn geti tekið 1-2 ár.

[Þorsteinn Sch Thorsteinsson (IP-tala skráð) 5.1.2021 kl. 12:41]

Sæll nafni,

Hérna svona mál eru núna að koma upp víða :

Sjá einnig hérna: 

Mexican doctor hospitalized after receiving COVID-19 vaccine

[Þorsteinn Siglaugsson, 5.1.2021 kl. 12:45]

Já, auðvitað koma svona mál upp þegar verið er að bólusetja svona mikinn fjölda fólks. Lykilatriðið er að upplýsingar komi fram, að þær séu settar í samhengi, og fólk geti svo tekið upplýsta ákvörðun.

[Þorsteinn Sch Thorsteinsson (IP-tala skráð) 5.1.2021 kl. 14:59]

Sæll aftur nafni,

Það er mikilvægt að fólk geti tekið upplýsta ákvörðun, en það er eins og fjölmiðlar hér á landi fara eingöngu eftir þessu þrieyki og honum Kára, ekki satt?
KV.

"87 Thousand doctors and nurses come out against covid-19 vaccine" https://rumble.com/vbok4n-87-thousand-doctors-and-nurses-come-out-against-covid-19-vaccine..html?fbclid=IwAR3NDQt7F45JmScLfYaPIc1YrdknHO48iRTSLPoF6S8NC7nyEADMMiY02V4

"WARNING: 3,150 Injuries in First Week of Illegal Experimental COVID Vaccines Among American Healthcare Workers! Pregnant Women Included" https://vaccineimpact.com/2020/warning-3150-injuries-in-first-week-of-illegal-experimental-covid-vaccines-among-american-healthcare-workers-pregnant-women-included/?fbclid=IwAR3KHBaUfMqkvtJH1ifWPiU9cNh-vXrbTU9yifrGPsQEhGU2X2qAoEz2rTQ

"CDC Report – 3150 People Paralyzed After COVID-19 Vaccine “Unable To Perform Normal Daily Activities” https://greatgameindia.com/cdc-covid-19-vaccine-paralyzed/?fbclid=IwAR2gy40_vXNknCyMbIwgp_Po10RgwdSeuLuOPeDTt_tehDVwSp8Cw3eevZQ#

"FDA Investigates Allergic Reactions to Pfizer COVID Vaccine After More Healthcare Workers Hospitalized" https://childrenshealthdefense.org/defender/fda-investigates-reactions-pfizer-covid-vaccine-healthcare-workers-hospitalized/?fbclid=IwAR1h0UQMRllAN0mafrXUM1zOqOnYjesAbhwE1eQxK0Z2PJ8YxYQ-TJVklHQ

"A 32-year-old Mexican doctor who had received the Pfizer vaccine was also hospitalized in intensive care with difficulty breathing and seizures, according to the country's health ministry." https://fr.sputniknews.com/europe/202101041045017300-un-medecin-grec-place-en-reanimation-apres-setre-fait-inoculer-le-vaccin-pfizer/?fbclid=IwAR2qEcxusJ3KZjw1gfOrD-Ewl_BOMDuYHRXGKjBsld83MvgjQDrDvacc8Mo

"Volunteers quit COVID-19 vaccine trial in Spain amid serious side effects reported in U.K. study" https://www.nydailynews.com/coronavirus/ny-coronavirus-volunteers-quit-trial-vaccine-spain-uk-20200915-scssjmumdfcnvimlemnhsxmoum-story.html?fbclid=IwAR113GWLzQctD3k98B4I4KN6e7NSFaZDz_tOF9S1gtPUkIas5UMjvmatTMM

"Bulgaria Reports 4 Cases Of Side Effects From Pfizer Covid Vaccine" https://www.ndtv.com/world-news/bulgaria-reports-4-cases-of-side-effects-from-pfizer-covid-vaccine-2347667?fbclid=IwAR34N88OprmpZEJRKNpQg5pIwXnwb7Gc3MAtIeY8OJ0fL5evXJ80V0TWuzc

"A 75-year-old Israeli dies hours after receiving Pfizer vaccine" https://www.donga.com/en/article/all/20201230/2336170/1/A-75-year-old-Israeli-dies-hours-after-receiving-Pfizer-vaccine

[Þorsteinn Siglaugsson, 5.1.2021 kl. 15:58]

Ég hef fulla trú á því að öldruðu og veikburða fólki sé miklu meiri hætta búin smitist það af covid en ef það fær bólusetningu. Það sem ég hef hins vegar áhyggjur af varðandi þetta er þegar stokkið er í afneitun gagnvart þessum mögulegu afleiðingum og menn fullyrða án þess að hafa neitt í höndunum að tengslin séu örugglega ekki til staðar. Bólusetningaverkefni hafa alveg klúðrast bara vegna rangra viðbragða og ótrúverðugs málflutnings, og það er það sem ég óttast að gæti gerst í þessu tilfelli.