Nú á að ráðast á börnin - fyrir alvöru

Það er alkunna að börnum er engin hætta búin af kórónaveirunni.

Það er einnig augljóst að engin frekari hætta er á að börn á efri stigum grunnskóla beri smit í viðkvæma hópa en börn á neðri stigum eða í leikskólum. Líkurnar eru raunar meiri á því að yngri börn geri það, því þau eru líklegri til að vera í gæslu hjá öfum og ömmum.

Það eru því engin rök fyrir því að trufla nám grunnskólabarna í efri bekkjum. Sama gildir um framhaldsskólanema. Þeim er heldur engin hætta búin af veirunni og líkurnar á að þeir beri smit í þá sem viðkvæmir eru, eru alveg jafn litlar og varðandi börn í efri bekkjum grunnskóla.

Hvert er markmið menntamálaráðherra? Er markmiðið að skaða námsframvindu barna? Er markmiðið að auka ójöfnuð með því að ráðast gegn þeim börnum sem hafa verstar aðstæður til að bjargast í gegnum ruglið með heimavinnu? 

Ég kalla eftir því að menntamálaráðherra svari þessu.

Takmarkanir í efstu stigum grunnskóla

Athugasemdir

[Þórdís Björk Sigurþórsdóttir, 30.10.2020 kl. 15:59]

https://www.dv.is/frettir/2020/10/30/elisabetu-gudmundsdottur-skurdlaekni-sagt-upp-storfum-telur-uppsognina-tengjast-skodunum-hennar-sottvarnaadgerdum/

[Þorsteinn Siglaugsson, 30.10.2020 kl. 16:05]

Ég hef heyrt um fjölda lækna sem þora ekki að láta skoðanir sínar í ljósi. Læknar eru nefnilega upp til hópa skynsamt fólk sem getur gert sér grein fyrir heildarmynd hlutanna. En þeir vita að þetta er það sem gerist ef þeir gagnrýna yfirvöld.

[Helgi (IP-tala skráð) 30.10.2020 kl. 17:55]

Sæll.

Þessar aðgerðir eru alveg út í hött. Öndunarfærasýking sem rúmlega 99,9% nær sér af fellir ekki úr gildi fundafrelsi, atvinnufrelsi né önnur grundvallarréttindi borgaranna. 

Í annan stað má nefna að þessar hópsýkingar komu upp þrátt fyrir að verulegar takmarkanir væru í gildi. Margt bendir til þess að þessar lokanir virki einfaldlega ekki eða í besta falli afar takmarkað.

Í þriðja lagi má nefna að þegar kúrfan er flött út lengir það þann tíma sem það tekur fyrir vírusinn að fara í gegn. Það veldur því að þjóðfélög þurfa að lifa lengur með þessum vírus. Ef ekkert hefði verið gert, annað en verja viðkvæma hópa, væru sýkingar mun færri en þær eru nú. 

Þetta er sú nálgun sem fara þarf:

https://gbdeclaration.org/

[Þorsteinn Siglaugsson, 30.10.2020 kl. 18:19]

Þessi framganga er glæpsamleg. Það er ekki nóg með að þetta fólk, bæði ríkisstjórn, landlæknir og sóttvarnalæknir, og ekki síst forstjóri ÍE, beri ábyrgð á þarflausum dauðsföllum þeirra sem viðkvæmir eru, heldur bera þau líka ábyrgð á hörmungum, heilsubresti og dauða þeirra sem verða fyrir barðinu á hinum yfirgengilega heimskulegu sóttvarnaraðgerðum þeirra.

Þetta fólk hefur ekki lengur neitt lögmætt umboð. Það þarf að koma því frá, rétta yfir því og dæma það til refsingar. Það er það sem á að gera við glæpamenn.

[SM, 31.10.2020 kl. 15:23]

Kæra þetta lið fyrir landráð. Ekkert annað í stöðunni. Þau hlýða bara erlendum öflum í þessum fasisma.