Öll bóluefnin eru "ósamþykkt"

Ekkert þeirra bóluefna sem nú er verið að setja á markað eða stendur til að setja á markað á næstu vikum og mánuðum er "samþykkt" miðað við þær kröfur sem hingað til hafa verið gerðar til bóluefna. Þau eru öll á undanþágu.

Þróun bóluefna tekur yfirleitt um 10 ár og ástæðan er að langvinnar prófanir þurfa að eiga sér stað til að tryggja að ekki komi fram aukaverkanir, sem oft eru mörg ár að koma í ljós.

Bóluefni er ekki lausnin við hruninu sem þessi veira hratt af stað. Eina mögulega lausnin er náttúrulegt hjarðónæmi. Til allrar hamingju er veiran nægilega hættulítil til að slíkt sé sjálfsagt markmið. En af einhverjum ástæðum má ekki stefna að því.

Að hversu miklu leyti liggur ástæða þess í hagsmunum lyfjaframleiðenda, á borð við Kára Stefánsson og fyrirtæki hans?

Sprauta þúsundir með ósamþykktu bóluefni

Athugasemdir

[Guðjón Bragi Benediktsson, 27.9.2020 kl. 08:51]

Það er bannað að spyrja svona spurninga. punktur. Ónæmiskerfi mannkynsins og erfðamengi er meingallað vegna mistaka þróunarinnar og færustu vísindamenn heimsins eru að vinna að lausn málsins. 

[Ragnhildur Kolka, 27.9.2020 kl. 10:29]

Það var ekki að ófyrirsynju að öll vestrænu lyfjafyrirtækin sem nú vinna að Covid boluefnagerð tóku út skaðleysistryggingar. Ekki bara gagnvart því sem gerist á 3.fasa tilraunatímanum heldur líka því sem komið getur í ljós síðar meir. Rússar hafa aðeins lokið 2.fasa en þeir hafa aldrei þurft að taka tillit til skoðana almennings.

Það verður fróðlegt að sjá hvort framlínufólk lætur þegjandi og hljóðaljóst bolusetja sig eða samkvæmt boði að ofan.

[Þorsteinn Siglaugsson, 27.9.2020 kl. 10:42]

Já Ragnhildur, það verður áhugavert að fylgjast með því hvort smitsjúkdómalæknar láta bólusetja sig viljugir.

Það er ótrúlega lítið fjallað um þessa áhættu. Kannski þora fjölmiðlar því ekki af ótta við að vera stimplaðir andstæðingar bólusetninga yfirleitt. Ég veit það ekki. Og ég veit í sjálfu sér ekkert um bóluefni eða virkni þeirra. Hef hins vegar séð ágætar úttektir á þessu, m.a. á BBC, og það sem stendur eftir er þetta: Tíminn sem fer í þróun og prófun bóluefna er jafn langur og hann er vegna þess að annars gætu ófyrirséðar aukaverkanir komið fram. 

Almenningur virðist ekki gera sér neina grein fyrir áhættunni af snöggsoðnu bóluefni. Nýleg könnun hérlendis sýndi að 90% myndu láta bólusetja sig strax. 10 prósentin sem eftir stóðu voru kategórískt á móti bóluefnum eða trúðu á samsæriskenningar. Þ.e.a.s. engir raunsæir efasemdarmenn hérlendis!

Mikilvægasta "bóluefnið" er það sem fyrirbyggir vöntun á gagnrýninni hugsun. Hvenær kemur það?