Hið brenglaða viðhorf í hnotskurn!

„Það get­ur ekki verið að fólki finn­ist það bara í lagi að fólk legg­ist inn á spít­ala. Ef það er afstaða fólks eru þess­ar aðgerðir nátt­úr­lega íþyngj­andi, en þær eru gagn­leg­ar með til­liti til heilsu­vernd­andi sjón­ar­miða og ég styð þær heils­hug­ar,“ seg­ir Már. 

Þetta viðhorf, að það sé með einhverjum hætti óeðlilegt eða ónáttúrulegt að til þess geti komið að fólk þurfi að leggjast inn á spítala, segir meira en mörg orð.

Hversu raunveruleikafirrtur þarf maður að vera til að láta svona lagað út úr sér?

Styður aðgerðirnar heilshugar

Athugasemdir

[Geir Ágústsson, 2.9.2020 kl. 16:20]

Lokatakmarkið hlýtur að vera að ríkið gangi frá húsi til húss og fóðri alla með lýsisskeið á hverjum morgni, athuga stöðu hlýs fatnaðar meðal heimilisfólks og hvetur alla til að fara helst ekki út úr húsi. Með tíð og tíma hættir fólk að veikjast og þá er hreinlega hægt að loka spítölunum.

[Þorsteinn Siglaugsson, 2.9.2020 kl. 16:31]

Ágætur kunningi minn sem hefur starfað víða um heim og kynnst mörgu sagði mér það í vor að honum þætti sem panikkin út af þessu grundvallaðist á því að á Vesturlöndum væri fólk farið að líta á veikindi og hvað þá dauða sem eitthvað ónáttúrlegt, ekki hluta af lífinu sjálfu. Svo kæmi hann til þróunarlanda og þar væri viðhorfið allt annað og miklu heilbrigðara.