Hvað er maðurinn að kvarta?

Veit hann ekki að það er verið að setja hundruð milljóna í að byggja upp aðstöðu og ráða fólk til að skima ... ehemm ... enga ferðamenn?

Aðstæður á bráðamóttöku aldrei verri

Athugasemdir

[Birna Kristjánsdóttir, 26.8.2020 kl. 02:54]

Þú og þínir ferðamenn Þorsteinn.....

[Sigurður I B Guðmundsson, 26.8.2020 kl. 11:43]

Hefur þú tekið eftir því að það eru alltaf nokkur smit sem greinast við landamærinn nánast á hverjum degi en aldrei sagt hvort þau komi frá hælisleitanda,ferðamanni eða Íslending. Af hverju er þessi þögn? Af hverju má ekki upplýsa hverjir eru að koma til landsins og eru smitaðir?

[Þorsteinn Siglaugsson, 26.8.2020 kl. 17:23]

Ég hef einmitt spurt mig þessarar spurningar: Hvers vegna er aldrei greint frá því hverjir eru að bera með sér virk smit? En kannski er hægt að ráða eitthvað í það af gögnum á covid.is:

 

Þar kemur fram að af 115 sem eru nú í einangrun eru 9 óstaðsettir. Óstaðsett merkir að viðkomandi hafi ekki búsetu á Íslandi. Það eru tæplega 8% allra smita. 

 

Þarna eru líka heildartölur, frá og með 19. júní, annars vegar innanlandssmit og hins vegar landamærasmit. Innanlandssmitin eru 191 og landamærasmitin 83. Ef við gefum okkur að hlutfallið sé það sama og hjá þeim sem nú eru í einangrun, þ.e. útlendingar standi á bak við 8% allra smita, þá má álykta að af þessum 83 landamærasmitum á síðustu tveimur vikum séu 20 erlendir borgarar, afgangurinn Íslendingar. Það er að segja, einungis einn fjórði landamærasmitanna eru erlendir borgarar.

Þetta er auðvitað gróf nálgun, en algerlega óskiljanlegt hvers vegna þessar tölur eru ekki birtar. Eina skýringin sem er möguleg er sú að af einhverjum ástæðum vilji stjórnvöld ekki að það komi í ljós hversu sáralítil hættan er á því að erlendir ferðamenn beri smit til landsins. Hvað býr þar að baki er hins vegar aftur alveg óskiljanlegt. Hvað í ósköpunum gæti það verið?

Svo má auðvitað leika sér með þessar tölur. Gefum okkur að tvöfalda skimunin gæti lækkað þetta niður úr 20 í kannski 5 smit erlendis frá á tveggja mánaða tímabili. Hverjar eru þá tapaðar gjaldeyristekjur á hvert smit sem tekst að koma í veg fyrir? Einnig má velta þessu fyrir sér út frá atvinnuleysi. Mér er sagt af þeim sem til þekkja að atvinnulausum fjölgi um 5.000 með hinum hertu aðgerðum. "Ávinningurinn" af hverju smiti sem sparast er þá atvinnuleysi 330 manns. Árangur stjórnvalda er ótvíræður!