Hversu lengi á þetta að standa?

Það liggur fyrir að mjög lítill hluti fólks er ónæmur fyrir veirunni.

Það liggur jafnframt fyrir að meðan ný smit eru nánast engin breytist ónæmi nánast ekkert.

Það liggur líka fyrir að alger óvissa er um að nokkurn tíma finnist bóluefni sem virkar.

Að lokum liggur fyrir að þeir sem deyja úr Covid-19 eru á bilinu 0,2-0,4% þeirra sem smitast. Veikin er því ekki sérstaklega hættuleg.

Spurningarnar eru tvær:

1. Í hversu marga áratugi á þetta ástand að vara? Hefur einhver velt því fyrir sér? 

2. Hvers vegna er ekki fjárfest í afkastagetu í heilbrigðiskerfinu til að takast á við umtalsverðan fjölda smita, í stað þess að sóa fé í tilgangslausar skimanir?

Hertar aðgerðir – öll skimuð tvisvar

Athugasemdir

[Kolbrún Hilmars, 14.8.2020 kl. 15:21]

Eitthvað verður að gera.  Það er betra að loka landamærum en loka unga fólkið inni.  Við gamlingjar erum þegar þar, en það þolum við betur.
Svo spurningu þinni sé svarað er mitt svar: eins lengi og þarf.

[Birna Kristjánsdóttir, 14.8.2020 kl. 18:53]

Tek undir það... eins lengi og þarf.

[Þorsteinn Siglaugsson, 14.8.2020 kl. 19:26]

Næsta skref er þá væntanlega að útrýma inflúensu líka. Og hafa bara lokað til eilífðarnóns.

[Þorsteinn Sch Thorsteinsson, 14.8.2020 kl. 23:11]

Sæll Nafni,

Fólk víða í Þýskalandi er farið sjá í gegnum þetta, og við síðustu mótmæli þá voru það yfir 1,3 milljónir þjóðverja sem að mótmæltu. 

KV. 

 

[Þorsteinn Siglaugsson, 15.8.2020 kl. 09:13]

Já, ég var búinn að heyra eitthvað af þessum mótmælum í Þýskalandi, en ekki séð neina staðfestingu á að þetta sé raunverulegt.

[Grímur Kjartansson, 15.8.2020 kl. 11:55]

Ef til vill munu prófanir á hráka auðvelda okkur baráttuna sbr

https://www.vg.no/nyheter/innenriks/i/K3Qvy6/fhi-om-spyttproever-boer-tas-i-bruk-saa-snart-som-mulig

eina hættan er að væg smit muni ekki greinast  en sýnatakan verður margfalt einfaldari

[Þorsteinn Siglaugsson, 15.8.2020 kl. 12:18]

Meginvandinn er að það virðist enginn hafa hugmynd um hvert markmið baráttunnar er. Viðbrögðin sem nú er verið að kynna virðast grundvallast á því að markmiðið sé að halda landinu veirufríu það sem eftir er. Það merkir að það verður að loka því til frambúðar, eða að minnsta kosti í mörg ár. Afleiðingar af slíku verða gríðarlegar, langtum alvarlegri en ef veiran fær að grassera. En óskhyggjan um að veiran verði horfin í heiminum eftir nokkra mánuði hindrar að fólk geri sér grein fyrir þessu. Og þegar óskhyggja og órökrétt ofsahræðsla blandast saman verður niðurstaðan sú sem við sáum í gær: Efnahagsleg hryðjuverk, sem munu valda almenningi langtum meiri skaða en ef tekist væri á við málið af raunsæi. Ekki aðeins skaða í formi atvinnumissis, húsnæðismissis og hungurs, heldur einnig í formi dauðsfalla sem eru óhjákvæmileg afleiðing þessa. Og þau dauðsföll verða miklu fleiri en þau sem veiran gæti valdið. Því miður.

[S M (IP-tala skráð) 15.8.2020 kl. 12:45]

Það hafa amk tveir hópar þýskra lögfræðingar risið upp til að skoða sjálfstætt hvað er til í þessu vírus-fári. Hér er annar: https://youtu.be/FbBBv2IO8WI "Vírusinn er álíka flensu" segir einn og annar segir "Sækja verður þau til saka sem ala á þeSsum hræðsluáróðri".