Hver er munurinn?

Hver er munurinn á þessu tvennu?

Að virkja hér meira og minna allt sem hægt er að virkja, niðurgreitt ef með þarf, til að selja orkuna erlendum stórfyrirtækjum á eða undir kostnaðarverði, sem síðan komast undan skattlagningu með því að breyta öllum hagnaði í vaxtagreiðslur til móðurfélaga.

Að virkja hér meira og minna allt sem hægt er að virkja til að selja orkuna á markaðsverði um sæstreng til landa þar sem markaðsverð orku er umtalsvert hærra en hér?

Munurinn er sá, að fyrri kostinn hafa íslenskir stjórnmálamenn valið og hindrað þannig eðlilega arðsemi af orkuframleiðslu. Síðari kosturinn stendur ekki til boða nema einhver fjárfestir leggi tugi eða hundruð milljarða í gerð sæstrengs og takist með einhverjum töfrabrögðum að fá íslenska stjórnmálamenn til að selja sér orkuna á markaðsverði fremur en að halda áfram að selja hana á undirverði til erlendu auðhringanna. Í ljósi sögunnar er afar ólíklegt að þetta gerist.

 

Verið að samþykkja óheft flæði raforku

Athugasemdir

[Jóhann Elíasson, 6.6.2019 kl. 22:37]

Þorsteinn, það er greinilega ekki alveg í lagi með þig.  Munurinn er sá að í fyrra tilfellinu verður salan á rafmagninu í okkar eigin höndum og á okkar forsendum en í seinna tilfellinu verður STJÓRNUN ORKUMÁLA Á ÍSLANDI Í HÖNDUM OG Á FORSENDUM ESB.EN ÞAR SEM ÞÚ VIRÐIST EKKI HAFA KYNNT ÞÉR ORKUPAKKA ÞRJÚ OG VEIST GREINILEGA EKKERT UM ORKUPAKKA FJÖGUR,ÞÁ VERÐUR AÐ VIRÐA ÞAÐ VIÐ ÞIG ÞÓ AÐ ÞÚ HAFIR SVONA BARNALEGA SKOÐUN.........

[guðmundur Ingi Kristinsson (IP-tala skráð) 6.6.2019 kl. 23:23]

Hve mikill yrði Íslans ágóði af rafstreng í krónunum talið og hve mikið orkumagn í gegnum strenginn? Eða 5 strengi.Virkja þar sem hægt er áður en jöklar hverfa og vindmillugarða sem víðast.Hvers vegna er þetta ekki rætt?

[Þorsteinn Siglaugsson, 7.6.2019 kl. 08:49]

Ég er að tala um muninn á því að virkja til að selja orku til stóriðju og að virkja til að selja orku um sæstreng. Þetta kemur orkupakka þrjú ekkert við Jóhann.

[Jóhann Elíasson, 7.6.2019 kl. 09:23]

Auðvitað kemur þetta orkupakka þrjú við.  Vertu ekki svona algjörlega úti á túni Þorsteinn.

[Þorsteinn Siglaugsson, 7.6.2019 kl. 11:26]

Sæstreng er hægt að leggja hvort sem orkupakki þrjú verður innleiddur eða ekki. Það ert þú sem ert úti á túni Jóhann, og ekki í fyrsta sinn 

[Jóhann Elíasson, 7.6.2019 kl. 13:15]

Þetta snýst ekki eingöngu um sæstreng eins og "sumir" halda, sem eru með einungis með 1" "rörsýn", halda.  Heldur er um að ræða sjálfstæði þjóðarinnar.  Komi til að sæstrengur verði lagður vil ég að það verði gert á forsendum Íslands en ekki ESB.......

[Guðmundur Ásgeirsson, 7.6.2019 kl. 16:17]

Lausnin á þessu vandamáli blasir við: Banna þunna eiginfjármögnun og krefjast markaðsverðs af stóriðjufyrirtækjum (eins og er reyndar skylt innan EES nú þegar). Þá þarf engan kapal.

[Þorsteinn Siglaugsson, 8.6.2019 kl. 10:56]

Hvað merkir það að sæstrengur sé lagður á "forsendum Íslands" Jóhann? Hvað er það nákvæmlega sem þú meinar? Og hvað merkir það þá að sæstrengur sé lagður á "forsendum ESB"? Aftur, hvað er það nákvæmlega sem þú meinar?

Og verði sæstrengur lagður, hverju breytir þá þriðji orkupakkinn um það hvaða orka verður seld gegnum hann, af hverjum og á hvaða verði?

[Borgþór Jónsson, 9.6.2019 kl. 13:45]

Ég veit ekki hvaða ríkisstyrki þú ert að tala um Þorsteinn. Þú ættir að drífa þig í að sýna okkur fjárlagaliðinn sem fjallar um þennan ríkisstyrk.

Ríkið borgar ekki einu sinn vegina að þessum virkjunum ,þó það það geri það við allann annan atvinnurekstur. Og sveitarfélögin göturnar.

Einnig finnst mér óeðlilegt að þú þykist ekki skilja muninn á hvaða orka fer í gegnum strenginn.

Munurinn er sá að ef ríkið er að selja orku ,þá verður eignamyndun í eigu þjóðarinnar og sennilega arðgreiðsla að loum.

Ef erlent fyrirtæki kemur hér með virkjanir og eða vindmyllur fer allur arðurinn úr landi og eigandinn kaupir stærri snekkju. Og hann kaupir hana ekki á Íslandi í þokkabót.

Í stað þess að fá arð eða annan hagnað af orkusölunni.

Okkur er ekki einu sinni heimilt að skattleggja orkusöluna.

Þegar upp er staðið verður árangurinn sá að það stendur einhversstaðar vindmyllugarður okkur til ama og við fáum engann pening.

Eina sem kemur í okkar hlut er að tryggja viðkomandi aðila aðgang að Íslenska dreyfikerfinu á sama verði og almenningi,eða jafnvel lægra verði.

Ég var einmitt nýlega að vinna að einu slíku verkefni.

Það var óhemju dýr strenglögn fyrir frekar litla virkjun.

Virkjunin verður að fá aðgang á sama verði og aðrir,en það ser enginn möguleiki að fá strenginn endurgreiddan á því verði sem gildir um orkuflutning.
Það er bannað að taka hærra gjald fyrir flutnig um þennann streng svo að kostnaðurinn verður að leggjast á aðra notendur.

Þetta má rekja til orkupakka tvö.

Þetta er sannarlega ekki neytendum til góða ,eða Íslendingum almennt,en þetta leggur drög að því að það er orðið hægt að reisa litlar og meðalstórar virkjanir af öllu tagi hvar sem er og senda kostnaðinn við orkudreyfingu á alla notendur í landinu. Þetta mun að lokum hækka dreyfingarkostnað innanlands.

Orka er afar eftirsótt vara og í vaxandi mæli eru stóru ríkin farin að beita minni ríki ofbeldi til að ná stjórn á orkulindum sem þar er að finna.

Í orkupakkanum erum við að horfa á eitt slíkt dæmi. 

Meira að segja stærri ríki eru ekki óhult. Eftir að Rússar ákváðu að skattleggja orkuútflutning upp úr aldamótum, þjóðinni til hagsbóta,hafa þeir verið undir stöðugum efnahagsárásum.

Orkurisarnir líða ekki slíkt framferði.

[Jóhann Elíasson, 10.6.2019 kl. 07:03]

Vertu ekki að spila þig vitlausari en þú ert Þorsteinn.  Verði orkupakki þrjú samþykktur, þá skipar ESB að leggja sæstreng og virkja allt sem hægt er að virkja, ásamt því að gera stóriðjunni ókleyft að vera hér með nokkra framleiðslu, garðyrkjan stendur ekki heldur undir raforkuverðinu ásamt ýmsum öðrum aðilum.  Svo verður okkur "skipað" að virkja það sem hægt er að virkja, þar með talið Dettifoss og Gullfoss, því það vantar rafmagn til Evrópu.  Aftur á móti ef sæstrengur verður lagður á forsendum Íslands, þá verður okkur ekki skipað að gera eitt né neitt og flytjum bara út það rafmagn sem við viljum og þurfum án þess að hafa afsalað okkur valdi yfir orkuauðlindunum.  Þetta ætti að svara spurningu þinni, kannski hefði þurft nánari útskýringar, en sá sem las yfir skildi þetta vel og þá reikna ég með að þú náir þessu.......

[Þorsteinn Siglaugsson, 20.6.2019 kl. 10:34]

ESB skipar auðvitað ekkert fyrir um að leggja sæstreng. Það eru einkaaðilar sem standa í slíkum framkvæmdum Jóhann, og þeir gætu þess vegna gert þetta strax í dag. Vald yfir orkuauðlindunum er á endanum hjá ríkinu hvort sem orkupakki 3 verður samþykktur eða ekki. En í raun eru það einkaaðilar sem nýta þessar auðlindir. Sá sem á jarðhitasvæði eða vatnsréttindi getur virkjað þar og eignarhaldið breytist ekkert með innleiðingu orkupakkans. Það verður nákvæmlega eins.

Ríkisstyrkirnir felast í því, Borgþór, að ríkið ábyrgist lántökur til framkvæmda. Það merkir að áhættan af framkvæmdinni, sem við eðlilegar aðstæður kæmi fram í vaxtakjörunum, er tekin út úr myndinni því lánskjör ríkisins eru allt önnur en lánskjör sem grundvallast bara á framkvæmdinni. Þetta er ríkinu hins vegar ekki að kostnaðarlausu, því eftir því sem það ábyrgist lán til fleiri áhættuverkefna versna lánskjör þess, og þannig borgar almenningur brúsann. Auðvitað koma slíkir styrkir ekki fram á fjárlögum, því þetta er óbeinn ríkisstyrkur. En ríkisstyrkur er það engu að síður.