Það er auðvitað mikilvægt fyrir bændur að fá að greiða 480 milljónir

Það vill þannig til að Mjólkursamsalan er í eigu bænda og afrakstur af rekstrinum rennur til þeirra. Það hlýtur því að felast í því mikill ávinningur fyrir bændur þegar fyrirtæki þeirra er dæmt til að greiða hálfan milljarð króna.

Mikilvægt fyrir neytendur og bændur

Athugasemdir

[Gunnar Heiðarsson, 30.5.2018 kl. 10:17]

Auðvitað mun þessi upphæð lenda á neytendum, verði hún staðfest af æðra dómstigi.

Það er deginum ljósara að ekkert fyrirtæki né eigendur þess, getur reitt fram slíka upphæð nema til skamms tíma og því lenda sektir Samkeppniseftirlitsins ætíð á þeim sem eftirlitið á að verja! 

Þessu verður einungis breitt með því að í stað þess að sekta fyrirtæki, séu stjórnendur þess látnir bera ábyrgðina. Þar er hægt að beita öðrum úrræðum en himinháum sektum, sem síðan neytendur sjálfir greiða, beint eða óbeint.

[Þorsteinn Siglaugsson, 30.5.2018 kl. 12:55]

Sammála. Þegar um er að ræða de facto einokunarfyrirtæki mun kostnaðurinn alveg örugglega lenda á neytendum. Ef fyrirtæki eru á samkeppnismarkaði er það hins vegar ekki sjálfgefið. Ég er hins vegar sammála þér um að það gæti verið betra að dæma stjórnendurna en fyrirtækin. Þeir munu þá passa sig betur.