Breytir virkjun einhverju um þróun búsetu?

Þótt virkjað verði á Ströndum leiðir það auðvitað ekki til þess að fólki taki að fjölga þar. Það þarf fáeina starfsmenn til að halda virkjuninni gangandi, það er allt og sumt. Talsverðan fjölda þarf til að byggja hana, en að því loknu fara þeir starfsmenn.

Sé á annað borð vilji til að fjölga fólki á Ströndum verður sú fjölgun að byggjast á öðru en því að skaða þau náttúruverðmæti sem þar er að finna. Líklega er árangursríkasta leiðin til að efla þetta samfélag sú að byggja upp ferðaþjónustu sem gerir út á víðernin. Það er heilbrigð leið til að byggja upp samfélag. Atvinnubótavinna og bitlingar til landeigenda eru það ekki.

Og gleymum því ekki að það er hægt að bæta vegi og byggja brýr án þess að slíkt tengist gerð virkjana. Það að tengja slíkt saman, lofa vegabótum gegn því að íbúar falli frá andstöðu við virkjun er auðvitað ekkert annað en mútur og þeim sem þær bjóða ætti að refsa enda er mútustarfsemi bæði siðlaus og ólögleg.

Eins og óargadýr inn í samfélag í sárum

Athugasemdir

[S i g u r ð u r S i g u r ð a r s o n, 14.10.2017 kl. 21:22]

Rétt hjá þér Þorsteinn. Tilgangslaust að virkja og leggja vegi sem engum eru til gagns. Virkjun Hvalár gerir álíka mikið gagn fyrir Vestfirði og virkjun Þjórsár.

[Kristinn Snævar Jónsson, 15.10.2017 kl. 09:45]

Rétt hathugað.