Umsátur stimplahersins

Snjallir kokkar finna alltaf leið til að bjarga sér. Annað með blómaheildsalann sem var í fréttum í gær og þarf að fleygja gámi eftir gám af blómum vegna þess að hann fær ekki stimpla frá einhverjum dýralæknum (já, dýralæknum, og þetta eru plöntur!) sem eru í verkfalli. Og allt löngu búið að stimpla erlendis hvort sem er.

Væri nú ekki ráð að grípa nú tækifærið og leyfa þessum stimplaher bara að vera í "verkfalli" til frambúðar, enda greinilega um fullkomlega gagnslausa peningaeyðslu að ræða? Það mætti nota sparnaðinn til að kaupa lyf handa dauðveiku fólki eða hækka laun hjúkrunarfólks.

Býður upp á Dagfinn Dýralækni

Athugasemdir

[Ólafur Jónsson (IP-tala skráð) 11.6.2015 kl. 07:46]

Síðan hvenær byrjuðu dýralæknar að stimpla innfluttningspappíra fyrir plöntur?

Hvernig verður þessi stimplaher til ? Eitthvað sem þessir starfsmenn bara ákveða sísvona upp á sitt einsdæmi? 

Á dögunum var ákveðið að leyfa notkun á íslenska fánanum í markaðs-setningu á matvörum. Alþingi ákvað að setja eftirlit með þessu til Neytendastofu og láta almenning borga.Fyrir það fyrsta afhverju þurfti sérstakt eftirlit og ef svo var afhverju sá ekki markaðurinn um það sjálfur ? 

[Þorsteinn Siglaugsson, 11.6.2015 kl. 09:08]

Akkúrat. Hvað ætli væri nú hægt að koma mörgu fólki í arðbær störf ef farið yrði í að hreinsa út alla þessa vitleysu?

[Ólafur Jónsson (IP-tala skráð) 11.6.2015 kl. 12:05]

Fyrst og síðast er þetta pólitísk ákvörðun. Nota áhættumati og þá bara spurning hvar menn vilja setja þröskuldinn ? Það má líka fara til þess að reikna framlegð opinbers eftirlits. Hefur það verið gert ? Hvað líður 111 tillögunum um einfaldara Ísland ? Pólitíkusar verða að fara að hætta að hnýta í fólkið sem þeir hafi ráðið til þessara starfa og eyða í staðinn kröftunum í að koma á  því sem þeir telja nauðsynlegar breytingar. Eða vilja menn innst inn ekki breytingar og frekar eiga einhvern blóraböggul.

[Þorsteinn Siglaugsson, 11.6.2015 kl. 20:57]

Kannski finnst stjórnmálamönnum þægilegt að hafa nóg af stofnunum sem þeir eða vinir þeirra geta svo fengið störf hjá þegar þeir nenna ekki lengur að vinna?