Röng túlkun

Sú túlkun að fjöldi tónleikagesta jafngildi fjórðungi þjóðarinnar er alröng. Hver gestur getur keypt fleiri en einn miða, og gerir það gjarna, svo fjöldi seldra miða segir nákvæmlega ekkert um hversu stórt hlutfall þjóðarinnar sótti tónleikana.

Það er allt eins líklegt að eftir tilkomu Hörpunnar fari fólk einfaldlega oftar á tónleika. Meðan hljómsveitin var í Háskólabíói var eiginlega vonlaust að fara á tónleika nema ná sæti einhvers staðar framarlega í salnum. Því sleppti maður því oft að fara ef uppselt var í fremri hlutann. Í Hörpu skiptir þetta ekki lengur máli auk þess sem miklu fleiri sæti eru í boði. Sjálfur fer ég miklu oftar á sinfóníutónleika eftir að Harpan tók til starfa. Reikna með að það eigi við um fleiri.

Fjórðungur þjóðarinnar á Sinfó

Athugasemdir

[Högni Elfar Gylfason, 28.3.2015 kl. 12:57]

Og hvað eru þeir margir sem aldrei hafa farið og aldrei munu fara í Sinfóníuna, Óperuna eða Þjóðleikhúsið?

[Þorsteinn Siglaugsson, 29.3.2015 kl. 19:17]

Akkúrat málið Högni. Jafnvel þótt 320.000 miðar seldust gætu það allt eins verið sömu 32.000 einstaklingarnir sem færi bara 10 sinnum hver en hinir aldrei.