Þvættingur í boði Ásmundar og RÚV

Það er raunar ábyrgðarhluti að RÚV skuli grípa upp svona þvætting og gera að helstu frétt í tveimur fréttatímum. Svona málflutningi á ekki að hampa heldur láta hann sem vind um eyru þjóta. Það að tönnlast á svona þvælu er því miður vís leið til að espa upp ofstækið þar sem það blundar.

En lykilatriði þessa máls er þetta:

Hryðjuverk af þeim toga sem hér er rætt um eiga sér rót í aðstæðum sem stundum skapast hjá vissum hópum í samfélaginu. Frönsku gettóin eru gróðrastía fyrir hatur og ofstæki því þar safnast saman fólk, kynslóð eftir kynslóð, sem hefur ekkert að lifa fyrir og sér enga leið upp úr ömurlegum aðstæðum sínum. Þetta kemur trúarbrögðum í raun og veru ekkert við, en hugmyndir ofstækismanna eiga hins vegar greiða leið að þessu fólki því þær geta fyllt upp í tómarúmið.

Svona aðstæður sjáum við ekki aðeins í París. Fátækrahverfi hvítra í Bretlandi, gróðrastía fasisma og kynþáttahaturs, eru af sama toga. Uppgangur nasismans í Þýskalandi átti sér svipaðar rætur. Ku Klux Klan sprettur upp úr sambærilegu umhverfi. Vonleysi og fátækt elur af sér hatur og glæpi.

Hér á Íslandi höfum við blessunarlega verið laus við svona þróun. Það merkir ekki að við þurfum ekki að gæta að okkur. En þá verðum við líka að líta til þeirra hópa þar sem hættan er mest. Og það eru svo sannarlega ekki þau fáu hundruð múslima sem hér búa í sátt og samlyndi við aðra, upp til hópa við efnalega og félagslega velgengni.

Má ekki drepa sendiboðann

Athugasemdir

[Tryggvi Helgason, 13.1.2015 kl. 21:52]

Islam er ekki "trú" eða trúarbrögð, heldur alræðis- og einræðisstefna, líkt og kommúnistminn og nasistminn.

 

"Islam" þýðir undirgefni á arabísku og allir þeir sem undirgangast að vera múslimir, þeir verða að hlýða í einu og öllu, því sem þeim er sagt. "Imarnir", - prestarnir þeirra sjá um það og hafa kóraninn að leiðarljósi.

 

Þegar einhver Iman segir einhverjum múslima að fara til Frakklands, Þýskalands eða Íslands, þá verður sá hinn sami að fara, hvort sem honum líkar betur eða verr. Hver einasti múslimi sem kemur inn í Evrópu, er sendur þangað.

 

Þeim er skipað að fara, - þeim eru gefnar allar upplýsingar um það, hvað þeir eigi að gera, hvað þeir eigi að segja, hvaða pappíra þeir eigi að hafa í höndunum o.s.frv. Ef þeir ekki hlýða, þá vita þeir hvað þeir eru að kalla yfir sig.

 

Er þetta eitthvað sem við, Íslendingar, viljum hleypa inn í landið ? Mitt svar er “NEI”, - ég vil ekkert inn í landið, - ekkert sem tengist Islam eða kóraninum á nokkurn hátt.

 

 

Við höfum nóg vandamál fyrir, þótt ekki bætist nú við, þessi óskapnaður.

[Þorsteinn Siglaugsson, 13.1.2015 kl. 22:15]

 "Hver einasti múslimi sem kemur inn í Evrópu, er sendur þangað". Þessu heldur þú raunverulega fram. Þú hlýtur að vera meira en lítið brenglaður.