Veikburða undir lokin

Greinin byrjar ágætlega, en heldur er málflutningurinn veikburða undir lokin. Í stað þess að setja fram þau rök að þar sem regluverk ESB bannar ríkisábyrgð á innstæðutryggingum komi hún ekki til greina er vælt um að líklega muni Íslendingar þurfa að taka á sig þyngri byrðar eftir dómsniðurstöðu.

Þetta er málflutningur einstaklings sem hefur lagt allt undir í máli, tapað og á nú að fara að tala máli andstæðinganna. Slíkt geta fáir gert vel, kannski enginn.

Það gengur auðvitað alls ekki að fólk í slíkri stöðu verði nú í forsvari fyrir hagsmunum Íslands. Í þeim orðum felst engin persónuleg gagnrýni á Jóhönnu eða Steingrím, aðeins raunsætt mat á því hvað er sálfræðilega mögulegt.

 

Grein eftir Jóhönnu í Guardian

Athugasemdir

[Magnús Sigurðsson, 13.4.2011 kl. 11:50]

Það kæmi ekki á óvart að Steingrímur og Jóhanna gengu með grasið í skónum á eftir Bretum og Hollendingum um að fara með málið fyrir dómstóla, því það er hæpið að þau geti nagað þröskuldinn sjálf við það á sama hátt og þegar þaugrétu út icevae3 eftir að þjóðin hafði hafnað icesave2 afgerandi. 

[Sigurður Haraldsson, 13.4.2011 kl. 11:50]

Sæll algerlega samála þér og löngu búin að fá nóg af undirlægjuhætti stjórnvalda og stjórnarandstöðu nú síðast Sjálfstæðisflokk með Bjarna Ben í forsvari!

[Þorsteinn Siglaugsson, 13.4.2011 kl. 12:24]

Þú hittir þarna naglaskrattann á höfuðið, Sigurður. Vandamálið er nefnilega hvað ætti að koma í staðinn ef skötuhjúin færu frá. Varla nafni litli með flokkinn upp á móti sér. Kannski minnihlutastjórn Sigmundar Davíðs, að því gefnu að hann losni fyrst við krataparið úr flokknum sínum?

[Elle_, 13.4.2011 kl. 12:28]

Fyrsta sem ég hugsaði þegar ég las yfirsögn fréttarinnar var: Ó, guð minn góður.  Núverandi stjórnarflokkar ættu ekki að vera að tala máli okkar núna.  ALLS EKKI.  Það mun aldrei ganga og þið lýsið þessu vel.

[Sigurður Haraldsson, 13.4.2011 kl. 12:36]

Sælir, það mun vekja furðu ef einhver þessa fjóra flokka sem hafa verið við lýði nú síðustu ár muni geta fengið næg atkvæði til að mynda stjórn!